Types Of Preference Shares

Podcast Duration: 06:22
Types of Preference Shares

नमस्कार मित्रों। एंजेल वन के इस podcast में आपका स्वागत है ।

Doston is podcast me hum preference shares ke baare me baat karne ja rahe hain. Kya aapne suna hai preference shares kabhi, kisi news me ya internet par? Achcha equity shares to suna hi hoga. Doston companies jab equity shares issue karti hain, toh unki ownership bhi dilute ho jati hai. Kyunki naye shares issue hone ke kaaran, existing shareholders ke ownership percentage bhi change ho jaate hain.

Toh doston, koi bhi company IPO listing kyun karti hai? Isse wo apne liye capital raise karke apne objectives fulfil karte hain. Yeh expansion aur consequently profits me increase dekhne jaise objectives bhi ho sakte hain.

Lekin agar company apni ownership me dilution se bachna chahe, aur usko funds bhi raise karne hon, toh woh kya karenge? Is situation me preference shares issue kiye jaate hain. Companies kai tarah ke preference shares issue kar sakti hain. Toh aaiye jaante hain ki ye kya hain aur aap is information ka use kaise kar sakte hain.

Toh doston kya hote hain ye preference shares? Preference shares equity aur debt instruments ke combination ka ek hybrid instrument hota hai jise companies apne capital amount ko badhane ke liye issue kar sakti hain. Unlike equity shareholders, preference shareholders ko ek fixed rate of dividend milta hai.

Achcha doston, ye Preference shares jo naam hai, yeh isiliye hai kyunki inko dividends ke payment mein common equity ki tulna me zyaada preference milta hai. Lekin, is labh ke exchange me, shareholder apne vote dene ka adhikar lose kar dete hain.

Jab koi company dividends declare karti hai, preference shareholders ko apna part pehle milta hai aur common equity shareholders ko baad me. Agar dividend ki total amount dono shareholders ko cover nahi kar pati, ya fir kam pad jaati hai, toh preference shareholders ko unki fixed dividend ki rashi mil jayegi aur equity shareholders ko dividend ka koi portion nahi milega.

Saath hi, ek company ke liquidate hone ke time par, preference shareholders ko apna capital pehle milega aur equity shareholders ko baad mein.

Doston, now that you know more about these shares, toh chaliye jaante hain ki preference shares kis kis tarah ke hote hain.

Pehla type hai Callable preference shares. Is tarah ke preference shares mein, issuing company ke paas Callable preference shares ko wapas khareedne ki right hoti hai. In shares ko company pehle se fixed price par aur pehle se fixed ek date se pehle ya us date tak khareed sakti hai. Callable preference shares give the issuing company more benefits, compared to shareholders. Theek hai na doston?

Toh chaliye aage badhte hain doosre type ke preference shares par.

Dusra type hai Convertible preference shares-- inn shares ko shareholder chahe तो common equity shares me bhi badal sakta hain. Conversion ki tareekh aur aur baaki niyam aur shartein issuing company ke dwaara pehle se tay ki jaati hain.

Toh doston, convertible preference shares shareholders ke liye zyada beneficial hote hain. Kya aap samajh gaye kyun? Ye isliye, kyunki aapko ek secure aur fixed returm milne ka promise to hai hi, saath hi aapke paas higher returns milne ka bhi chance hota hai. Hai na ke interesting?

Toh chaliye, Teesra type: Non-convertible preference shares wo hote hain jinhe ordinary equity shares me convert nahin kiya jaa sakta hai. Lekin, conversion ki clause ke alawa non convertible preference shares aur preference shares me kaafi similarities hoti hain.

Ab hum badhte hain chauthe type ki oor jo hai Cumulative preference shares. Doston, inme hota hai ek clause jisse dividend na pay hone ke case me investor surakshit rehta hai. Jaise, agar share ki issuing company kisi year me dividends nahi de pati, toh woh dividends accumulate hoti rehti hain, jab tak company dene ke stithi me aa jaye. Preference shareholders ke outstanding aur unpaid dues clear hone ke baad hi equity shareholders ko unka apna payment mil sakta hai.

Paanchwe type ke preference share hote hain Non-Cumulative preference shares. Inn shares ke shareholders ko accumulate hone wale unpaid dividend payments ka labh nahi milta. For example, maan lijiye ki issuing company ko kisi year me loss ho gaya. Iss case me non cumulative preference shareholders ko us saal ka dividend nahi milta. Saath hi, unlike cumulative preference shares, non-cumulative preference shares me unpaid dividends accumulate nahin hote.

Kya aap mere saath ho? To dekhte hain sixth type, jo hai participatory preference shares. Doston participatory preference shareholders ko fixed rate of dividends se adhik rate par bhi dividend payment mil sakta hai. Example ke liye, participatory preference shareholders equity shareholders ke saath balance profit par dividend claim kar sakte hain.

Saath hi, agar company liquidate ho jaye, toh participatory preference shareholders company ke surplus assets ke liye entitled hote hain.

Aur doston ab hum aa gaye hain last aur seventh type par, jo hai non-participatory preference shares.

In shares se na toh aapke paas company ke balance profits na hi surplus ka adhikaar hota hai. Non-participatory preference shareholders keval ek fixed rate of dividends ke liye entitled hote hain, Doston fixed dividends milne ke baad me, non-participatory preference shareholders profit surplus par koi bhi claim nahi kar sakte, which is reserved exclusively for equity shareholders.

Non-participatory preference shareholders ko liquidation ke time par assets ka bhi koi claim nahi milta.

Toh doston, finally, hum ye keh sakte hain, ki preference shares issuing company aur shareholders, dono ke liye hi ek win-win situation ho sakte hain. Generally, preference shares ka risk aur return profile kaafi balanced hoti hai, joki invest karne ke liye ek badhiya opportunity hai.

I hope ki aap is information ka use karke apne investment ke liye sahi decision le paoge. Preference shares ki kai varieties hain. Invest karne se pehle aapko calculations run karne honge aur samajhna hoga ki kis tarah ke preference shares me kya risk factors hote hain aur unke kya benefits hote hain.

Toh doston, aaj ke podcasts mein itna hi. ये podcast शेयर करना ना भूलियेगा - याद रखियेगा की ज्ञान बाटने से बढ़ता है । और फिर अंत में तोह financial markets एक ऐसी university है जिसमे कोई professor नहीं, सब students ही है ।