Income Tax On Demat

Podcast Duration: 07:41
Podcast script: Income tax on demat account

Angel One podcast ke naye episode me aapka swagat hai. Agar aap stock market me invest karne me interested hain, toh aapne demat account ke baare me toh suna hi hoga.

Stock market me invest karne ke kayi reasons hote hain - kuch log long-term wealth creation ke goal se invest karte hain, and for some people the thrill of investing in the share market is enough of a reason. Aksar stock market ke itne saare considerations ke beech hum income tax ke baare me baat hi nahi karte!

Aaj hum iss podcast me demat account ke income tax par hi charcha karenge. Income tax act 1961 ke according, shares ki sale se aapko jo profit hota hai - that profit in your demat account is liable to be taxed.

Inhi tax implications to zara detail me dekhte hain - with the 4 primary aspects of taxation of a demat account.

Pehli tax implication hoti hai Short-term capital gains tax. Income tax act ke accoridng, agar aap kisi asset ko 12 months ya usse kam samay ke liye rakhte hain, toh unhe short-term capital assets kaha jaata hai.

Short-term capital assets ke kuch examples hain equity shares, preference shares, debentures, government securities, bonds, and mutual funds. Aise assets ko bechne aur hareedne se aapko jo bhi gain ya profit hota hai, unhe Short-term capital gains kaha jaata hain.

Agar aapke demat account me inme se koi bhi asset hai - clarity ke liye main phir se examples batati hun: equity shares, preference shares, debentures, government securities, bonds, and mutual funds - then you are liable to pay the short-term capital gains tax, or STCG tax for short.

Filhaal, STCG ka rate 15% hai for trades where Securities Transaction Tax (STT) is applicable. In special cases jahan ST applicable nahi hota, wahan par STCG is combined with yout total taxable income. Wahan se ye gains bhi total taxable income me jode jaate hain aur income tax slab identify karke relevant rate par charge kiye jaate hain.

Dosri tax implication hoti hai long-term capital gains ki. Isme include kiye jaate hain long-term capital assets. These would be equity shares, preference shares, bonds, debentures, mutual funds, and government securities and other securities jo bhi aap 12 months se zyada ke liye rakhte hain. Income tax act ke under ye long-term capital asets hote hain aur inke trade se hone wale gains ya profit ko long-term capital gains kaha jaata hai. Short me hum inhe LTCG kahenge.

Inka bhi tax treatment kaafi hadd tak STCG ke jaisa hota hai. Inke case me tax ka naam hota hai long-term capital gains tax. Filhaal budegt ke provisions ke according, agar aapko LTCG hua hai Rs 1 lakh tak ka, toh vo amount exempt maana jaata hai in a particular financial year. Rs 1 lakh ke upar aapko ji bhi LTCG hota hai in the same year, us amount par 10% ke flat rate par tax lagta hai.

The next tax implication is for short-term capital loss. Humne dekha ke Short-term capital assets ke kuch examples hain equity shares, preference shares, debentures, government securities, bonds, and mutual fund. Agar inme trade karne se aapko kisi financial year me loss hota hai - matlab agar aap inn capital assets ko purchase price se kam price me sell karte hain, toh aapko capital loss hota hai. Iss capital loss ko Short-Term Capital Loss ya SCTL kehte hain. Income tax act ke provisions ke according aap iss loss ko usi financial year ke STCG ya LTCG ke against set off kar sakte ho.

Agar aapka short-term capital loss iss saal me puri tarah set-off nahi hota, in that case Income tax act ke provisions ke according aap STCL ko carry forward kar sakte hain - up to 8 financial years- jab tak woh puri tarah se offset nahi ho jaata. Jo bhi loss agle saal me carry hoga, woh LTCG ya STCG ke amount ko utne amount se kam kardega.

Fourth implication hoti hai long-term capital loss ki. Isme include kiye jaate hain long-term capital assets. These would be equity shares, preference shares, bonds, debentures, mutual funds, and government securities and other securities jo bhi aap 12 months se zyada ke liye rakhte hain. Jab aapko inme se kisi me deal karte samay loss hota hai - for instance aap koi long-term capital asset purchase price se kam price me bechte hain, toh uss loss ko long-term capital loss ya LTCL kaha jaata hai. THodi time pehle tak Income taX act LTCL ko carry forward aur set-off karne ki provision allow nahi karta tha. Recently, 4th February 2018 ko, ek notification nikali gayi thi jiske according ab LTCL ko LTGC ke aginst usi financial year me set-off kiya ja sakta hai. Lekin agar aapka long-term capital loss puri tarah se set-off nahi kiya jaata, in that case, Income tax act ke provisions ke according aap LTCL ko carry forward kar sakte hain - up to 8 financial years- jab tak woh puri tarah se offset nahi ho jaata. Jo bhi loss agle saal me carry hoga, woh LTCG ke amount ko utne amount se kam kardega.

Jab hum income tax ki baat kar rahe ho, toh aisa possible hi nahi ke hum tax bachane ke tareeko ki charcha na karein. Let’s talk about two of the most sought-after ways jinse aap apni tax liability kaafi hadd tak neeche la sakte hain.

Sabse pehle tareeka hai ULIPs yaani ki Unit Linked Insurance Plan me invest karna. ULIPs ke through aapo insurance aur investment ka doguna benefit hota hai. ULIP ke liye bhare gaye premium me se ka ek part aapke life cover ki ore jaata hai aur doosra hissa financial market me invest kiya jaata hai. Ye wala part aapke demat account me rehta hai jahan kam se kam 5 saal ke liye ye amount locked-in rehta hain. Income tax act ke Section 80C ke according ULIP me investments Rs 1.5 lakh tak exempt rehti hain. Aur to aur, ULIPs ke under aapka maturity amount bhi tax se exempt hota hai.

Ek aur financial instrument hai jisme investment tax bachat kar sakti hai. These are called ELSS or Equity Linked Savings Scheme (ELSS). Inke case me lock-in period 3 saal ka hota hai aur inse aane wala return bhi baaki investments ke comparison me zyada hota hai. Iss scheme me aap jo bhi investment karte hain vo Rs 1.5 lakh tak exempt rehti hai in a particular financial year. Jo maturity amount milta hai - after the lock-in period of 3 years - usme bhi aapko Rs 1 lakh ki exemption milti hai. THis means ke aapka mautiry amount Rs 1 lakh se over and above amount par hi tax compute hoga.

Kayi baar humare investment decisions unki tax implications par depend karte hain, so it is good to know ke tax kaise bachaya ja sakta hain - in each of these cases.

Asha karte hain iss podcast ke baad aapke investment decisions me ek factor tax implications bhi hoga- aur aap tax-saving instruments me dilchaspi lenge!