What is FINNIFTY? – Nifty Financial Services Index

ఎఫ్ఐఎన్‌నిఫ్టీ అంటే ఏమిటి?-నిఫ్టీ ఫైనాన్షియల్ సర్వీసెస్ ఇండెక్స్ మిత్రులారా! ఏంజెల్ బ్రోకింగ్ నుండి ఈ పోడ్‌కాస్ట్‌కు స్వాగతం! మిత్రులారా, మీరు మీ స్ట్రీమింగ్ ప్లాట్‌ఫామ్‌లో సంగీతాన్ని ఎంచుకున్నప్పుడు, సాధారణంగా మీరు "అత్యంత ప్రజాదరణ పొందిన హిట్స్" లేదా "ట్రెండింగ్ ట్రాక్స్" యొక్క రెడీమేడ్ జాబితాను పొందవచ్చు. ఇవి ప్రపంచవ్యాప్తంగా లేదా భారతదేశంలో అత్యంత ప్రాచుర్యం పొందిన గీతాలు. కానీ మీరు మీ ఫిల్టర్‌ను కొద్దిగా సవరించవచ్చు కూడా. మీరు “అత్యంత ప్రజాదరణ పొందిన బాలీవుడ్ పాట విడుదలలు” లేదా “అత్యంత ప్రజాదరణ పొందిన హిప్ హాప్ ట్రాక్‌లు” కూడా శోధించవచ్చు. అపుడు అది నిర్దిష్ట శైలిలో అత్యంత ప్రజాదరణ పొందిన గీతాలు చూపిస్తుంది, కదా? కొత్తగా విడుదలైన ఫిన్నిఫ్టీ సవరించిన శోధన ఫిల్టర్ వంటిదే. అయితే, ఫిన్నిఫ్టీని అర్థం చేసుకోవడానికి మొదట మీరు నిఫ్టీ 50 ను అర్థం చేసుకోవాలి. మీరు ఇప్పటికే నిఫ్టీ 50 ను అర్థం చేసుకుని ఉండవచ్చు, కానీ మనము ఒకే విషయం చర్చిస్తున్నామని నిర్ధారించుకోండి: నిఫ్టీ 50 అనేది ఒక ఇండెక్స్, లేదా దేశంలోని అతిపెద్ద కంపెనీల 50 స్టాక్‌ల జాబితా. అతిపెద్దది ఎలా? ఫ్రీ ఫ్లోట్ మార్కెట్ క్యాపిటలైజేషన్ ద్వారా అతిపెద్దది, స్టాక్ ధర మార్కెట్లో షేర్ల సంఖ్యతో గుణించడం దాని సూత్రం. ఈ 50 స్టాక్స్ వివిధ రంగాలకు చెందినవి అయి ఉంటాయి. ఇది తప్పనిసరిగా వైవిధ్యమైన జాబితా. ఈ జాబితా ప్రతి 6 నెలలకు నవీనీకరించబడుతుంది. ఇప్పుడు మనము ఫిన్నిఫ్టీని నిర్వచిద్దాము: ఫిన్నిఫ్టీని నిఫ్టీ ఫైనాన్షియల్ సర్వీసెస్ ఇండెక్స్ లేదా నిఫ్టీ ఫైనాన్షియల్ సర్వీసెస్ అని కూడా పిలుస్తారు, నిఫ్టీ 50 లాంటిదే, అయితే ఇది ఆర్థిక సంస్థల స్టాక్స్‌పైనే ప్రత్యేకంగా దృష్టి పెడుతుంది. ప్రత్యేకంగా అత్యంత ప్రాచుర్యం పొందిన గీతాలను కనుగొనడానికి మీరు మీ శోధన ఫిల్టర్‌ను సవరించినట్లు, నేషనల్ స్టాక్ ఎక్స్ఛేంజ్, ఈ సంవత్సరం జనవరిలో, ఫిన్నిఫ్టీని ప్రవేశపెట్టింది. ఇది 20 వరకు బ్యాంకులు, భీమా సంస్థలు, ఎన్‌బిఎఫ్‌సిలు, హౌసింగ్ ఫైనాన్స్ కంపెనీలు మరియు ఇతర ఆర్థిక సంస్థలు లేదా ఆర్థిక సేవా సంస్థల స్టాకుల జాబితా. నిఫ్టీ 50 లాగే, ఈ స్టాక్స్ వారి ఫ్రీ ఫ్లోట్ మార్కెట్ క్యాపిటలైజేషన్ ఆధారంగా ఎంపిక చేయబడతాయి. ఏది సరైనదో మీకు ఇప్పటికే తెలుసు కదా? ఇది మార్కెట్లో ఉన్న బాకీ షేర్లతో గుణించబడే అసలు స్టాక్ ధర. నిఫ్టీ 50 మాదిరిగానే ప్రతి ఆరునెలలకు ఒకసారి ఫిన్నిఫ్టీలో జాబితా చేయబడిన స్టాక్స్ నవీనీకరించబడతాయి. ఇప్పుడు అసలైన విషయం – ఫిన్నిఫ్టీలో జాబితా చేయబడిన స్టాక్స్ ఏవి: • HDFC బ్యాంక్ • HDFC హౌసింగ్ ఫైనాన్స్ • ఐసిఐసిఐ బ్యాంక్ • కోటక్ బ్యాంక్ • యాక్సిస్ బ్యాంక్ • బజాజ్ ఫైనాన్స్ • ఎస్ బీ ఐ బ్యాంక్… అబ్బో ఈ జాబితాలో చాలా బ్యాంకులు ఉన్నాయి! ఇంకా ఉన్నాయి… • HDFC భీమా • ఎస్ బీ ఐ లైఫ్ ఇన్సూరెన్స్ • ఐసిఐసిఐ లోంబార్డ్ జనరల్ ఇన్సూరెన్స్ ఇంకా భీమా సంస్థలు కూడా ఉన్నాయా?…. • శ్రీరామ్ ట్రాన్స్పోర్ట్ ఫైనాన్స్ • ఐసిఐసిఐ ప్రుడెన్షియల్ లైఫ్ ఇన్సూరెన్స్ •పిరమల్ క్యాపిటల్ అండ్ హౌసింగ్ ఫైనాన్స్ • బజాజ్ హోల్డింగ్స్ అండ్ ఇన్వెస్ట్‌మెంట్స్ • చోళమండలం ఇన్వెస్ట్‌మెంట్స్ అండా ఫైనాన్స్ • HDFC అసెట్ మేనేజ్‌మెంట్ కంపెనీ • పవర్ ఫైనాన్స్ కార్పొరేషన్ • REC లిమిటెడ్ - విద్యుత్ రంగానికి సంబంధించిన ఆర్థిక సంస్థ • మహీంద్రా మరియు మహీంద్రా ఫైనాన్షియల్ ఈ జాబితా చూసి, ఫిన్నిఫ్టీ ఇండెక్స్‌లో బ్యాంకులు 60% కంటే ఎక్కువ ఉనికిని కలిగి ఉన్నాయని మీరు ఊహించి ఉండవచ్చు. హౌసింగ్ ఫైనాన్స్ కంపెనీలలో దాదాపు 20%, NBFCలలో దాదాపు 10%, మరియు మిగతావన్నీ 2% వరకు ఉండవచ్చు. మీరు నిఫ్టీ ఆర్థిక సేవలను ఎలా ఉపయోగించవచ్చు? నిఫ్టీ 50 మరియు బిఎస్ఇ సెన్సెక్స్ ఉపయోగిస్తున్న విధంగానే. ఆప్షన్ 1: బెంచ్ మార్కింగ్ కోసం ఫిన్నిఫ్టీని ఉపయోగించడం ఈ సూచికలు బెంచ్‌మార్కులుగా వినియోగించబడతాయి. స్టాక్స్ పనితీరు నిఫ్టీ 50 లేదా బిఎస్ఈ సెన్సెక్స్ లతో పోల్చబడతాయి. ఇప్పుడు ఈ కొత్త నిఫ్టీ ఫైనాన్షియల్ సర్వీసెస్ ఇండెక్స్ ఉపయోగించడం ద్వారా పెట్టుబడిదారులు తమ ఫైనాన్స్ సెక్టార్ స్టాక్‌లను ఈ బెంచ్‌మార్కుతో పోల్చవచ్చు. ఆప్షన్ 2: అలాకాకా ఫిన్నిఫ్టీని షాపింగ్ జాబితాగా వాడండి, కొంతమంది అనుభవజ్ఞులైన పెట్టుబడిదారులు ఇండెక్సులో ప్రదర్శించే అదే వెయిటేజీలో ఇండెక్స్‌లోని మొత్తం 50 స్టాక్‌లను కొనడానికి ఇష్టపడతారు. ఇప్పుడు ఇంతకుముందు మనము చర్చించిన జాబితాలో, వెయిటేజీలో మొదటి ఆర్థిక సంస్థ, హెచ్‌డిఎఫ్‌సి బ్యాంక్ 27.13%. రెండవ కంపెనీ, హెచ్‌డిఎఫ్‌సి హౌసింగ్ ఫైనాన్స్ వెయిటేజీ 17.51%... జాబితాలో క్రిందికి వెళ్ళేకొలది వెయిటేజీ తగ్గుతుంది. నిఫ్టీ ఫైనాన్షియల్ సర్వీసెస్ జాబితాలో చివరి సంస్థ అయిన మహీంద్రా & మహీంద్రా ఫైనాన్షియల్ వెయిటేజీ 0.44%. ఆప్షన్ 3: ఫిన్నిఫ్టీని ఉపయోగించి మ్యూచువల్ ఫండ్లను నడిపించడం మూడవ ఆప్షన్ జాబితాలోని స్టాక్‌లను ట్రాక్ చేసే మ్యూచువల్ ఫండ్లలో పెట్టుబడి పెట్టడం. దీనికి కొన్ని ఉదాహరణలు డిఎస్పి నిఫ్టీ 50 ఇండెక్స్ ఫండ్, ఎల్ అండ్ టి నిఫ్టీ 50 ఇండెక్స్ ఫండ్ మరియు మోతీలాల్ ఓస్వాల్ నిఫ్టీ 50 ఇండెక్స్ ఫండ్. చాలా ఆప్షన్లు ఉన్నాయి – నేను కొన్ని మాత్రమే పేర్కొన్నాను. 4 వ ఆప్షన్: ఇ టి ఎఫ్ గా పిలువబడే ఎక్స్ఛేంజ్ ట్రేడెడ్ ఫండ్ కొనడం- ఇది స్టాక్‌లను ట్రాక్ చేస్తుంది మరియు ఫండ్ యొక్క పనితీరును ప్రతిబింబిస్తుంది. 5వ ఎంపిక: డెరివేటివ్స్, దీనిని ఎఫ్ అండ్ ఓ అని కూడా పిలుస్తారు లేదా భవిష్యత్ మరియు ఆప్షన్స్ అంటే మీరు ఫిన్నిఫ్టీలో భాగమైన స్టాక్స్ కోసం భవిష్యత్ కాంట్రాక్టులు లేదా ఆప్షన్స్ కాంట్రాక్టులను కొనుగోలు చేయవచ్చు. కాంట్రాక్టులకు ధర మరియు గడువు తేదీ ఉంటుంది. ఎఫ్&ఒ గురించి మరింత తెలుసుకోవడానికి - లేదా అర్థం చేసుకోవడానికి, భవిష్యత్ & ఆప్షన్ ట్రేడింగ్ పేరుతో మా పోడ్కాస్ట్ చూడండి. “ఫిన్నిఫ్టీ స్టాక్స్ నిఫ్టీ 50 లోని స్టాక్స్‌తో ఎలా సరిపోతాయి?” అని మీరు అడిగితే, మీరు సరైన ప్రశ్న అడుగుతున్నట్లు. ఈ ఆసక్తికరమైన మరియు జాగ్రత్తగల వైఖరి మీ పెట్టుబడుల ప్రయాణంలో ఖచ్చితంగా పని చేస్తుంది. పదండి పోల్చి చూద్దాం: ఫిన్నిఫ్టీలో జాబితా చేయబడిన 10 స్టాక్స్ నిఫ్టీ 50 లో కూడా ఇవ్వబడ్డాయి. ఈ 10 స్టాక్స్ సమిష్టిగా ఫిన్నిఫిటీపై దాదాపు 93% వెయిటేజీని మరియు వాటి నిఫ్టీ 50 కంటే 40% తక్కువ వెయిటేజీ కలిగి ఉన్నాయి. బ్యాంకులు మరియు ఆర్థిక సంస్థలపై కేంద్రీకరించబడినందున, ఫిన్నిఫ్టీలో అధిక అస్థిరతను ఊబించవచ్చు. నిఫ్టీ 50 యొక్క 0.61 తో పోలిస్తే ఫిన్నిఫ్టీకి 0.64 రిస్క్-రివార్డ్ నిష్పత్తి ఉంది. మార్కెట్లో ఫిన్నిఫ్టీ పై స్పందన ఏమిటో ఇప్పుడు చూద్దాం? ఫిన్నిఫ్టీ బేస్ డే లో, ఇది 140 పాయింట్లు పెరిగింది. ఈ రోజు ఇది 15 వేలకు పైగా ట్రేడవుతోంది. మీరు ఈ స్పందనను మీరు సానుకూలమని పిలుస్తారు – ఎందుకంటే పైకి సాగే గమనం మంచి విషయం కనుక. పరిశ్రమ వాటాదారుల నుండి కూడా చాలా ఉత్సాహం ఉంది: చాలా మంది స్టాక్ బ్రోకర్లు ప్రారంభ నెలలో ఫిన్నిఫ్టీ ఇండెక్స్‌లో బ్రోకరేజ్ ఛార్జీలను మాఫీ చేశారు. 'ఎన్ ఎస్ ఈ ఏడాది జూన్ వరకు లావాదేవీ ఛార్జీలను కూడా మాఫఈ చేశింది మిత్రులారా, నేటి పోడ్‌కాస్ట్‌లో ఇంతే. స్టాక్ మార్కెట్ వార్తలను చూడటానికి వెళ్తాను. తరువాతి పోడ్కాస్ట్లో మళ్ళీ కలుద్దాం. అప్పటి వరకు, ఏంజెల్ బ్రోకింగ్ తరఫున – వీట్కోలు - సంతోషంగా పెట్టుబడి పెట్టండి! పెట్టుబడులు మరియు సెక్యూరిటీ మార్కెట్లు నష్టాలకు లోబడి ఉంటాయి. పెట్టుబడి పెట్టడానికి ముందు అన్ని సంబంధిత పత్రాలను జాగ్రత్తగా చదవండి.