ICICI బ్యాంక్‌లో ₹2,013.41 కోట్ల క్లెయిమ్ చేయని డిపాజిట్లు ఉన్నాయి: మీ డబ్బును తిరిగి ఎలా పొందాలో ఇక్కడ తెలుసుకోండి

ఇన్‌యాక్టివ్ గా ఉన్న ఖాతాల కారణంగా వేల కోట్ల రూపాయలు నిరుపయోగంగా పడి ఉండటంతో, క్లెయిమ్ చేయని బ్యాంకు డిపాజిట్లు భారతదేశవ్యాప్తంగా ఒక తీవ్రమైన ఆందోళన కలిగించే విషయంగా మారాయి.

అధికారిక డేటా ప్రకారం, ఒక్క ICICI(ఐసీఐసీఐ) బ్యాంక్‌లోనే ఇలాంటి డిపాజిట్లు ₹2,013.41 కోట్లుగా ఉంది. 

ఖాతాలు ఎక్కువకాలం ఉపయోగించకుండా ఉంటే సాధారణంగా ఇలాంటి నిధులు ఏర్పడతాయి.

క్లెయిమ్ చేయని డిపాజిట్ల వెనుక ఉన్న కారణాలు మరియు తిరిగి పొందే ప్రక్రియను అర్థం చేసుకోవడం, వ్యక్తులు తమకు హక్కుగా చెందిన డబ్బును తిరిగి పొందడంలో సహాయపడుతుంది.

భారతదేశంలో క్లెయిమ్ చేయని బ్యాంక్ డిపాజిట్ల పెరుగుదల

ఆర్థిక మంత్రిత్వ శాఖ పంచిన డేటా ప్రకారం, భారతీయ బ్యాంకులలో క్లెయిమ్ చేయని డిపాజిట్లు ఇటీవలి సంవత్సరాల్లో గణనీయంగా పెరిగాయి. 

2021లో ₹31,640.05 కోట్లతో పోలిస్తే, 31 మార్చి 2025 నాటికి రిజర్వ్ బ్యాంక్ ఆఫ్ ఇండియా యొక్క డిపాజిటర్ ఎడ్యుకేషన్ అండ్ అవేర్‌నెస్ (DEA) ఫండ్‌కు బదిలీ చేసిన మొత్తం ₹74,580.25 కోట్లకు చేరుకుంది. 

సేవింగ్స్ లేదా కరెంట్ ఖాతాలు పది సంవత్సరాలు లేదా అంతకంటే ఎక్కువకాలం క్రియాహీనంగా ఉంటే, ఆ డిపాజిట్లను క్లెయిమ్ చేయనివిగా వర్గీకరిస్తారు.

క్లెయిమ్ చేయని నిధుల్లో ఐసీఐసీఐ బ్యాంక్ వాటా

ప్రధాన బ్యాంకులలో, ఐసీఐసీఐ బ్యాంక్ డీఈఏ ఫండ్‌కి ₹2,013.41 కోట్లు సమకూర్చింది, ఇది మొత్తం బ్యాలెన్స్‌లో సుమారు 2.70%కి సమానం.

ఈ నిధులు దీర్ఘకాలిక క్రియాహీనత తర్వాత మాత్రమే బదిలీ చేయబడతాయి మరియు అసలు ఖాతాదారులకే హక్కుగా కొనసాగుతాయి.

RBI(ఆర్‌బీఐ) యొక్క DEA ఫండ్ అంటే ఏమిటి

డీఈఏ ఫండ్‌ను వాణిజ్య మరియు సహకార బ్యాంకుల నుంచి క్లెయిమ్ చేయని బకాయిలను ఏకీకృతం చేయడానికి 2014లో ఆర్‌బీఐ (RBI) స్థాపించింది. 

ఈ ఫండ్ డిపాజిటర్ ఎడ్యుకేషన్ అండ్ అవేర్‌నెస్ కార్యక్రమాలకు కూడా మద్దతు ఇస్తుంది. ముఖ్యంగా, నిధులను DEA కి బదిలీ చేయడం వల్ల, డిపాజిటర్‌కు ఎప్పుడైనా ఆ డబ్బును క్లెయిమ్ చేసే హక్కు రద్దు కావదు.

క్లెయిమ్ చేయని డిపాజిట్లను ఎలా తిరిగి పొందాలి

క్లెయిమ్ చేయని డబ్బును తిరిగి పొందడం స్పష్టంగా నిర్వచించబడిన మరియు సులభంగా చేయగల ప్రక్రియ. ఖాతాదారులు లేదా వారి చట్టబద్ధ వారసులు రాతపూర్వక క్లెయిమ్ అభ్యర్థనతో సంబంధిత బ్యాంక్ బ్రాంచ్‌ను సంప్రదించాలి.

ఆధార్ లేదా ఓటర్ ID వంటి గుర్తింపు మరియు చిరునామా రుజువు, అలాగే ఖాతా యాజమాన్యానికి సంబంధించిన ఆధారాలు అవసరం. 

ధృవీకరణ పూర్తయ్యిన తర్వాత, బ్యాంక్ రిఫండ్‌ను ప్రాసెస్ చేస్తుంది. ఇటువంటి క్లెయిమ్‌లను సమర్పించడానికి ఆర్‌బీఐ(RBI) ఎలాంటి కాలపరిమితిని నిర్ణయించలేదు.

డీఈఏ ఫండ్ ద్వారా ప్రాసెస్ చేసిన రీఫండ్లు

ఆర్థిక సంవత్సరాలు 2020–21 నుంచి 2024–25 మధ్య, DEA ఫండ్ బ్యాంకులకు మొత్తం ₹10,403.08 కోట్లు రీయింబర్స్ చేసింది. 

అత్యధిక రీయింబర్శ్మెంట్ FY 2022–23 లో నమోదైంది.

ఈ రీయింబర్శ్మెంట్‌లు, ముందుగా క్లెయిమ్ చేయనివిగా వర్గీకరించబడిన ఖాతాల కోసం కస్టమర్లు చేసిన క్లెయిమ్‌లను బ్యాంకులు పరిష్కరించడానికి సహాయపడతాయి.

సారాంశం

ఐసీఐసీఐ బ్యాంక్‌లో ₹2,013 కోట్లకు పైగా క్లెయిమ్ చేయని డిపాజిట్లు ఉండటం, బ్యాంక్ ఖాతాలను పర్యవేక్షించడం మరియు రికార్డులను నవీకరించుకుని ఉంచుకోవడం ఎంత ముఖ్యమో చూపిస్తుంది. 

డిస్క్లైమర్: ఈ బ్లాగ్ పూర్తిగా విద్యాపరమైన ఉద్దేశాల కోసం మాత్రమే రాయబడింది. ప్రస్తావించిన సెక్యూరిటీస్ కేవలం ఉదాహరణలు మాత్రమే, సిఫార్సులు కావు. ఇది వ్యక్తిగత సిఫార్సు/ఇన్వెస్ట్‌మెంట్ సలహాగా పరిగణించరాదు. ఎవరినైనా పెట్టుబడి నిర్ణయాలు తీసుకోవాలని ప్రభావితం చేయడం దీని ఉద్దేశం కాదు. పెట్టుబడి నిర్ణయాలపై స్వతంత్ర అభిప్రాయాన్ని ఏర్పరుచుకోవడానికి లబ్ధిదారులు తమ స్వంత పరిశోధన మరియు మూల్యాంకనాలు చేసుకోవాలి. 

సెక్యూరిటీస్ మార్కెట్‌లో పెట్టుబడులు మార్కెట్ ప్రమాదాలకు లోబడి ఉంటాయి, పెట్టుబడి పెట్టే ముందు సంబంధిత పత్రాలను జాగ్రత్తగా చదవండి.