இபிஎஃப் க்ளைம் ஸ்டேட்டஸை ஆன்லைனில் சரிபார்ப்பது எப்படி?

பிஎப் க்ளைம் என்பது ஒரு பணியாளர் தனது இபிஎஃப் கணக்கில் உள்ள பணத்தை எடுப்பதற்காக இபிஎஃப்ஓ-விடம் வைக்கப்படும் எழுத்துப்பூர்வமான கோரிக்கை ஆகும். பணியாளர்கள் தங்களது பிஎஃப் க்ளைம் ஸ்டேட்டஸை இபிஎஃப்ஓ போர்டல் அல்லது உமங் ஆப் மூலம் எளிதாகக் கண்காணிக்கலாம். இபிஎஃப்ஓ இந்த க்ளைம்களை நிர்வகிப்பதோடு, வெளிப்படைத்தன்மைக்கும், வசதிக்கும் முன்னுரிமை அளித்து அவற்றின் ஸ்டேட்டஸை ஆன்லைனில் உடனுக்குடன் புதுப்பிக்கிறது.

ஆன்லைனில் உங்கள் இபிஎஃப் க்ளைம் ஸ்டேட்டஸை தெரிந்துகொள்வது, செயல்முறைத் தாமதத்தைத் தவிர்க்கவும், பிழைகள் அல்லது ஆவணச் சிக்கல்களைக் கண்டறியவும் உதவுகிறது. பிஎஃப் க்ளைம் என்றால் என்ன, இபிஎஃப் க்ளைம் செயல்முறை மற்றும் இபிஎஃப்ஓ அலுவலகத்திற்குச் செல்லாமலேயே உங்கள் க்ளைம் ஸ்டேட்டஸை ஆன்லைனில் சரிபார்ப்பது ஆகியவற்றை பற்றி விரிவாக தெரிந்து கொள்வோம்.

மேலும், பிஎஃப் ஃபார்ம் 19 என்றால் என்ன என்பதை இங்கே சரிபார்க்கவும்.

பிஎஃப் க்ளைம் ஸ்டேட்டஸை ஆன்லைனில் சரிபார்ப்பது எப்படி?

இபிஎஃப்ஓ ஆன்லைன் போர்டல் மூலம் உறுப்பினர்கள் பிஎஃப் தொகையை எடுப்பதற்கான விண்ணப்பங்களின் ஸ்டேட்டஸை கண்காணிக்கவும், விண்ணப்பம் சமர்ப்பிக்கப்பட்டதில் இருந்து, முதலாளியின் ஒப்புதல் மற்றும் வங்கிக்கு பணம் அனுப்பப்பட்டது வரை அனைத்து ஸ்டேட்டஸை கண்காணிக்கவும் முடியும். பிஎஃப் க்ளைம் ஸ்டேட்டஸை பின்வரும் மூன்று வழிகளில் சரிபார்க்கலாம், அவை:

• இபிஎஃப்ஓ மெம்பர் போர்டல்
• உமங் ஆப்
• எஸ்எம்எஸ் மற்றும் மிஸ்டு கால் சேவைகள்

ஒவ்வொரு முறை லாகின் செய்யும்போதும் உங்கள் யுனிவர்சல் அக்கவுண்ட் நம்பர் (யுஏஎன்) மற்றும் இபிஎஃப் கணக்குடன் இணைக்கப்பட்ட மொபைல் எண் தேவைப்படும்.

முதன்மை ஆன்லைன் தளம்:

பிஎஃப் பணத்தை எடுப்பதற்கான விண்ணப்பங்களைச் சமர்ப்பிக்கவும், அவசியமான மாற்றங்களைச் செய்யவும், க்ளைம்களின் ஸ்டேட்டஸை கண்காணிக்கவும் இதுவே அதிகாரப்பூர்வமான மற்றும் முதன்மையான தளமாகச் செயல்படுகிறது.

பிஎஃப் க்ளைம் ஸ்டேட்டஸை சரிபார்க்கும் செயல்முறை:

1. அதிகாரப்பூர்வ இபிஎஃப்ஓ ஒருங்கிணைந்த உறுப்பினர் இணையதளத்துக்கு (யூனிஃபைட் மெம்பர் போர்டல்) செல்லவும்.
2. பின்னர், ‘ஃபார் எம்ப்லாய்ஸ்’ என்ற டேப்-ன் கீழ் ‘சர்வீசஸ்’ என்பதை செலக்ட் செய்யவும்.
3. ‘நோ யுவர் க்ளைம் ஸ்டேட்டஸ்’ என்பதைக் கிளிக் செய்யவும் அல்லது யுஏஎன் மெம்பர் போர்ட்டலில்-ல் லாக் இன் செய்யவும்.
4. உங்கள் யுஏஎன் (யுனிவர்சல் அக்கவுண்ட் நம்பர்), பாஸ்வேர்டு மற்றும் கேப்சாவை என்டர் செய்யவும்.
5. ஆன்லைன் சர்வீசஸ் > ட்ராக் க்ளைம் ஸ்டேட்டஸ் அல்லது வியூ க்ளைம் ஸ்டேட்டஸ் என்பதற்குச் செல்லவும்.
6. போர்ட்டலில் உங்கள் க்ளைம் வகை, டிராக்கிங் ஐடி, தாக்கல் செய்யப்பட்ட தேதி மற்றும் பணம் செலுத்தும் விவரத்தை திரையில் காட்டும்.

போர்ட்டலில் உள்ள இபிஎஃப்ஓ டிராக்கிங் வசதியானது, உங்கள் க்ளைம் செயல்முறையில் உள்ளதா, முடிந்துவிட்டதா, நிராகரிக்கப்பட்டதா அல்லது கிரெடிட் செய்யப்பட்டதா என்பதை உடனடியாகச் சரிபார்க்க உதவுகிறது. மேலும் செட்டில்மென்ட் முடிந்ததும், உங்கள் பதிவு செய்யப்பட்ட மொபைல் எண்ணிற்கு எஸ்எம்எஸ் அறிவிப்பு வரும்.

உமங் ஆப் வழியாக பிஎஃப் க்ளைம் ஸ்டேட்டஸை சரிபார்க்கவும்:

உமங் ஆப் ஆனது பல அரசு சேவைகளை ஒருங்கிணைக்கிறது. இந்த ஆப் மூலம், இபிஎஃப்ஓ போர்ட்டலுக்குச் செல்லாமலேயே பிஎஃப் ஸ்டேட்டஸை எளிதாகச் சரிபார்க்கலாம்.

UMANG-ல் மொபைல் மூலம் PF ஸ்டேட்டஸை சரிபார்க்கும் வழிகள்:

1. கூகிள் பிளே ஸ்டோர் அல்லது ஆப்பிள் ஆப் ஸ்டோரிலிருந்து உமங் ஆப்-ஐ டவுன்லோடு செய்யவும்.
2. உங்கள் பதிவு செய்யப்பட்ட மொபைல் எண்ணுடன் (எம்பிஐஎன் அல்லது ஓடிபி வழியாக) லாக் இன் செய்யவும். பிறகு
3. “ஆல் சர்வீசஸ்” → “இபிஎஃப்ஓ” என்பதற்குச் செல்லவும்.
4. “எம்ப்லாய் சென்ட்ரிக் சர்வீசஸ்” என்பதை செலக்ட் செய்யவும்.
5. பின்னர் ட்ராக் க்ளைம் ஸ்டேட்டஸ் என்பதை செலக்ட் செய்யவும்.
6. உங்கள் க்ளைம் ஐடி, வகை, தாக்கல் செய்த தேதி மற்றும் பிஎஃப் க்ளைம் ஸ்டேட்டஸ் உள்ளிட்ட விவரங்கள் காட்டப்படும்.

குறிப்பு: உங்கள் மொபைல் எண் யுஏஎன் உடன் இணைக்கப்பட்டிருந்தால், அனைத்து க்ளைம் விவரங்களையும் நீங்கள் பார்க்கலாம். எந்த க்ளைமும் செயல்பாட்டில் இல்லை என்றால், அந்தப் பகுதி காலியாக இருக்கும்.

யுஏஎன் என்றால் என்ன என்பதை இங்கே புரிந்துகொள்ளுங்கள்.

பிஎஃப் க்ளைம் ஸ்டேட்டஸை ஆஃப்லைனில் சரிபார்ப்பது எப்படி?

ஊழியர்கள் பின்வரும் வழிகளில் பிஎஃப் க்ளைம் ஸ்டேட்டஸை ஆஃப்லைனில் சரிபார்க்கலாம்:

• அருகிலுள்ள இபிஎஃப்ஓ அலுவலகத்திற்குச் செல்லவும்: ஊழியர்கள் தங்கள் பகுதிக்குட்பட்ட இபிஎஃப்ஓ அலுவலகத்திற்குச் சென்று உதவி பெறலாம். சரிபார்ப்புக்காக யுஏஎன், பிஎஃப் கணக்கு எண் மற்றும் அடையாளச் சான்றிதழ் ஆகியவற்றை எடுத்துச் செல்ல வேண்டும். க்ளைம் நிலுவையில் உள்ளதற்கான காரணம், ஆவணங்களில் உள்ள பிழைகள் மற்றும் ஆன்லைன் தொடர்பான கேள்விகளுக்கு இபிஎஃப்ஓ ஊழியர்கள் மூலம் தீர்வு பெற முடியும்.
• இபிஎஃப்ஓ ஹெல்ப் டெஸ்க் அல்லது கட்டணமில்லா எண்ணைத் தொடர்புகொள்ளுதல்: இபிஎஃப்ஓ-வின் 24×7 ஹெல்ப்லைன் எண்ணான 1800 118 005 என்ற எண்ணை தொடர்புகொள்ளவும். அதிகாரிகள் கேட்கும் போது வழங்குவதற்காக உங்கள் பிஎஃப் கணக்கு எண் அல்லது யுஏஎன்-ஐத் தயாராக வைத்திருக்கவும். உங்களுக்கு ஏற்படும் தொழில்நுட்பச் சிக்கல்களுக்கு, ஹெல்ப் டெஸ்க் ஊழியர்கள் தகுந்த தீர்வுகளை வழங்கி உதவுவார்கள்.
• முதலாளி / ஹெச்ஆர் துறை மூலம்: நிறுவனமாக க்ளைம் செய்யப்பட்டிருந்தால், உங்கள் முதலாளி அல்லது ஹெச்ஆர் துறை மூலம் க்ளைம் ஸ்டேட்டஸை சரிபார்க்கலாம். ஏனெனில் ஹெச்ஆர் குழுக்கள் இபிஎஃப்ஓ அலுவலகங்களுடன் இணைந்து செயல்படுகின்றன மற்றும் ஊழியர்களுக்கான க்ளைம்களை மொத்தமாகக் கண்காணிக்கின்றன. முதலாளிகள் தங்கள் எஸ்டாப்ளிஷ்மென்ட் போர்ட்டலில் லாகின் செய்து, ஊழியர்களின் விண்ணப்பங்களின் ஸ்டேட்டஸை சரிபார்க்க முடியும். ஊழியர்களுக்கு நேரடி இபிஎஃப்ஓ போர்ட்டல் அணுக முடியாத போதோ அல்லது கேஒய்சி ஒப்புதல்களில் தாமதம் ஏற்படும் போதோ இந்த முறை மிகவும் உதவியாக இருக்கும்.

மிஸ்டு கால் வழியாக பிஎஃப் க்ளைம் ஸ்டேட்டஸை சரிபார்க்கவும்:

விரைவான அப்டேட்களுக்கு, பிஎஃப் க்ளைம் மிஸ்டு கால் சேவையைப் பயன்படுத்தலாம்.

உங்கள் பதிவு செய்யப்பட்ட மொபைல் எண்ணிலிருந்து 9966044425 என்ற எண்ணிற்கு மிஸ்டு கால் கொடுங்கள். உங்கள் யுஏஎன் கணக்குடன் மொபைல் எண், ஆதார், பான் (பான்) மற்றும் வங்கி கணக்கு விவரங்கள் (கேஒய்சி) இணைக்கப்பட்டிருக்க வேண்டும். பதிவு செய்த மொபைல் எண்ணிலிருந்து இந்த எண்ணிற்கு மிஸ்டு கால் கொடுத்தால், உங்களுடைய பிஎஃப் பேலன்ஸ் அடங்கிய விவரங்களை எஸ்எம்எஸ் மூலம் அனுப்பும்.

எஸ்எம்எஸ் வழியாக பிஎஃப் க்ளைம் ஸ்டேட்டஸை சரிபார்க்கவும்:

உங்கள் பிஎஃப் ஸ்டேட்டஸை எஸ்எம்எஸ் மூலம் சரிபார்க்க, பிஎஃப் க்ளைம் எஸ்எம்எஸ் சேவையைப் பின்வரும் முறையில் பயன்படுத்தவும்:

உங்கள் பதிவு செய்யப்பட்ட மொபைல் எண்ணிலிருந்து “இபிஎஃப்ஓஹெச்ஓ யுஏஎன் இஎன்ஜி” என டைப் செய்து 7738299899 என்ற எண்ணிற்கு எஸ்எம்எஸ் அனுப்பவும். “இஎன்ஜி” என்பது ஆங்கிலத்திற்கான மொழி குறியீடு; ஹிந்திக்கு ஹெச்ஐஎன், மராத்திக்கு எம்ஏஆர் போன்ற பிற குறியீடுகளைப் பயன்படுத்தலாம்.

எஸ்எம்எஸ் அனுப்பியதும் ஸ்டேட்டஸ் அல்லது க்ளைம் செட்டில்மென்ட் உள்ளிட்ட விவரங்கள் அடங்கிய எஸ்எம்எஸ் அப்டேட்களைப் பெறுவீர்கள். மேலும், இபிஎஸ் திட்டம் என்றால் என்ன என்பதை இங்கே வாசிக்கவும்.

பிஎஃப் க்ளைமிற்குத் தேவையான ஆவணங்கள்

உறுப்பினர்கள் பிஎஃப் க்ளைமிற்கான அனைத்து ஆவணங்களையும் தயாராக வைத்திருக்க வேண்டும் மற்றும் அவற்றை யுஏஎன்-உடன் இணைத்திருக்க வேண்டும். இந்த ஆவணங்கள் பின்வருமாறு:

• யுஏஎன்: அனைத்து பிஎஃப் கணக்குகளையும் இணைக்கும் 12 இலக்க எண்.
• ஆதார் கார்டு: கேஒய்சி மற்றும் அடையாளச் சரிபார்ப்பிற்காக.
• பான் கார்டு: குறிப்பாக 5 ஆண்டுகளுக்கும் குறைவான சேவைக்கால க்ளைம்களுக்கு.
• வங்கி கணக்கு விவரங்கள்: உங்கள் யுஏஎன்-உடன் இணைக்கப்பட்ட மற்றும் சரியான ஐஎஃப்எஸ்சி கொண்ட ஆக்டிவ் வங்கி கணக்கு.
• பதிவு செய்யப்பட்ட மொபைல் எண்: ஓடிபி மற்றும் எஸ்எம்எஸ் எச்சரிக்கைகளுக்குத் தேவை.
• வேலைவாய்ப்பு தகவல்: முதலாளி பெயர், வேலையின் தொடக்க தேதி மற்றும் முடிவு தேதி.

இந்த விவரங்களை யுஏஎன் மெம்பர் போர்ட்டலில் மேனேஜ் > கேஒய்சி என்ற பகுதிக்குச் சென்று உங்களது பான், வங்கி கணக்கு மற்றும் பிற சான்றுகளைச் சேர்க்கவோ அல்லது அப்டேட் செய்யவோ முடியும். இத்துடன் உறுப்பினர்களின் பாதுகாப்பிற்காக, தங்கள் யுஏஎன்-ல் தவறுதலாக அல்லது தங்களுக்குத் தெரியாமல் இணைக்கப்பட்ட தகவல்களை நீக்குவதற்கான வசதியை இபிஎஃப்ஓ வழங்கியுள்ளது.

பிஎஃப் க்ளைம் நிராகரிக்கப்படுவதற்கான பொதுவான காரணங்கள்

பிஎஃப் கோரிக்கைகள் நிராகரிக்கப்படுவதற்கான காரணங்களும் அதனை சரி செய்வதற்கான வழிமுறைகளை பற்றியும் உறுப்பினர்கள் தெரிந்து கொள்வது அவசியமாகும்.

• ஆதார் விவரங்களில் முரண்பாடு: உங்கள் யுஏஎன் -ல் உள்ள பெயர், பிறந்த தேதி அல்லது பாலினம் ஆகியவை ஆதாரில் உள்ள விவரங்களுடன் ஒத்துப்போகவில்லை எனில், பிஎஃப் கணக்கில் கேஒய்சி இணைப்பதோ அல்லது பணம் எடுப்பதற்கான க்ளைம் செய்வதோ நிராகரிக்கப்படலாம். எனவே யுஐடிஏஐ போர்ட்டலின் உதவியுடன், விவரங்களைச் சரிபார்த்து, இரண்டிலும் உள்ள முரண்பாடுகளைச் சரிசெய்யலாம்.
• தவறான வங்கி விவரங்கள்: உங்கள் வங்கியின் கணக்கு எண் அல்லது ஐஎஃப்எஸ்சி தவறாக இருந்தாலோ அல்லது வங்கி கணக்கு நீண்ட நாட்களாகப் பயன்படுத்தப்படாமல் முடக்கப்பட்டிருந்தாலோ, இபிஎஃப்ஓ அனுப்பும் பணம் உங்களை வந்தடையாமல் நிராகரிக்கப்படும். எனவே, பிஎஃப் க்ளைம் செய்யும் முன், உங்களது அனைத்து ஆவணங்களையும், தகவல்களையும் சரிபார்க்கவும்.
• முழுமையற்ற கேஒய்சி: ஆட்டோ மோட் க்ளைம்கள் சிறப்பாகச் செயல்பட, உங்கள் யுஏஎன் கணக்கில் ஆதார், பான் மற்றும் வங்கி கணக்கு விவரங்கள் சரியாக இணைக்கப்பட்டு, வங்கியாலும் உங்கள் நிறுவனத்தாலும் ஒப்புதல் அளிக்கப்பட்டிருக்க வேண்டும். இந்த விவரங்கள் தவறாகவோ அல்லது சரிபார்க்கப்படாமலோ இருந்தால், ஆட்டோ மோட் க்ளைம்கள் நிராகரிக்கப்படும். எனவே விரைவான ஒப்புதலுக்கு கேஒய்சி செயல்முறையை முழுமையாக முடிக்கவும்.
• முதலாளியின் ஒப்புதல்: யுஏஎன் உடன் ஆதார் விவரங்கள் சரியாக இணைக்கப்பட்டு, யுஐடிஏஐ அமைப்பால் ஆன்லைனில் சரிபார்க்கப்படாமல் இருந்தால், முதலாளியின் ஒப்புதல் தேவைப்படலாம். இந்த நிலை நீடிக்காமல் இருக்க, உங்கள் நிறுவனத்தின் ஹெச்ஆர் அல்லது பிஎஃப் பிரிவைத் தொடர்புகொண்டு விரைந்து ஒப்புதல் அளிக்கக் கோருவது சரியான நடவடிக்கையாகும்.
• கையொழுத்து முரண்பாடு: இபிஎஃப்ஓ பதிவேடுகளில் உள்ள உங்களின் பழைய கையொப்பத்துடன் தற்போதைய கையொப்பம் ஒத்துப்போகவில்லை என்றால் மனு நிராகரிக்கப்படலாம். எனவே, யுஏஎன் போர்ட்டலில் உங்கள் புதிய கையொப்பத்தைப் புதுப்பித்த பிறகு மீண்டும் முயற்சிக்கவும்.

உங்கள் க்ளைம் நிராகரிக்கப்பட்டால், யுஏஎன் போர்ட்டலில் லாக் இன் செய்து, அதில் உள்ள பிழைகளை சரிசெய்து, உங்கள் க்ளைமை மீண்டும் சமர்ப்பிக்கவும். தொடர்ந்து சிக்கல்கள் இருந்தால், இபிஎஃப்ஐஜிஎம்எஸ் (இபிஎஃப்ஓ கிரீவன்ஸ் மேனேஜ்மென்ட் சிஸ்டம்) போர்டல் மூலம் குறைதீர்க்கும் மனுவைத் தாக்கல் செய்யவும்.

பிஎஃப் க்ளைம்களுக்கான செட்டில்மென்ட் நேரம் மற்றும் செயல்முறை:

சாதாரண க்ளைம்களுக்கான பொதுவான பிஎஃப் க்ளைம் செட்டில்மென்ட் நேரம் 10 முதல் 15 வேலை நாட்கள் ஆகும். உறுப்பினரின் அனைத்து விவரங்களும் புதுப்பித்து, முழுமையான கேஒய்சி மற்றும் சரிபார்க்கப்பட்ட பதிவுகளைக் கொண்ட ஆட்டோ-மோட் க்ளைம்களுக்கு (ரூ.5 லட்சம் வரை), பெரும்பாலும் 3 முதல் 7 வேலை நாட்களுக்குள் விரைவாகச் செயல்படுத்தப்படுகின்றன.

முழுமையற்ற கேஒய்சி அல்லது ஆவணங்கள் காரணமாக உங்கள் க்ளைம் மேனுவல் முறையில் செயல்படலாம், இதற்கு 15 முதல் 20 வேலை நாட்கள் வரை ஆகலாம். அதிலும், இபிஎஃப்ஓ அலுவலகங்களில் க்ளைம்கள் சமர்ப்பிக்கப்பட்டால், செயலாக்க நேரம் 20 முதல் 60 நாட்கள் வரை கூட ஆகலாம்.

இபிஎஃப் க்ளைம் செயல்முறை

உறுப்பினர்கள் தங்கள் பிஎஃப் க்ளைமைச் சமர்ப்பிக்கவும், கண்காணிக்கவும் பின்வரும் நடவடிக்கைகளை எடுக்க வேண்டும்:

1. லாக் இன்: உமங் ஆப் அல்லது இபிஎஃப்ஓ போர்ட்டலை அணுக உங்கள் யுஏஎன்-ஐப் பயன்படுத்தவும்.
2. கேஒய்சி சரிபார்ப்பு: உங்கள் வங்கித் தகவல், பான் மற்றும் ஆதார் உள்ளிட்ட தகவல்கள் அனைத்தும் சரியாக இணைக்கப்பட்டுள்ளதா என்பதை உறுதிப்படுத்தவும்.
3. க்ளைம் சமர்ப்பிப்பு: க்ளைம் வகையைத் தேர்ந்தெடுத்து உங்கள் ஆன்லைன் கோரிக்கையைச் சமர்ப்பிக்கவும்.
4. அங்கீகாரம்: உங்கள் ஆதார் இணைக்கப்பட்ட பதிவு செய்யப்பட்ட மொபைல் எண்ணிற்கு வரும் ஓடிபி மூலம் சமர்ப்பிப்பை உறுதிப்படுத்தவும்.
5. முன்னேற்றத்தைக் கண்காணித்தல்: சமர்ப்பித்தல் முதல் செட்டில்மென்ட் வரை உள்ள அனைத்து நடவடிக்கைகளும் போர்ட்டல் அல்லது ஆப்பில் உடனுக்குடன் காட்டப்படும்.

ஆதார் மூலம் சரிபார்க்கப்பட்ட யுஏஎன் -களுக்கு முதலாளி சான்றிதழ் மற்றும் செக்-லீஃப் அப்லோடு போன்ற மேனுவல் தேவைகள் நீக்கப்பட்டதிலிருந்து க்ளைம் செட்டில்மென்ட்கள் வேகமடைந்துள்ளன. தேவையற்ற மேனுவல் ஆவணத் தேவைகள் நீக்கப்பட்டதால், க்ளைம்கள் நிராகரிக்கப்படுவது குறைந்து, பணம் மிக விரைவாக வாடிக்கையாளர்களின் கணக்கிற்குச் சென்றடைகிறது.

க்ளைம் சிக்கல்களுக்கு இபிஎஃப்ஓ -வைத் தொடர்புகொள்வது எப்படி?

உங்கள் க்ளைம் தாமதமானாலோ அல்லது நிராகரிக்கப்பட்டாலோ, அதிகாரப்பூர்வ இபிஎஃப்ஓ தொடர்பு சேனல்கள் மூலம் உதவியைப் பெறலாம். அதாவது:

• இபிஎஃப்ஓ குறைதீர்க்கும் மேலாண்மை அமைப்பு (இபிஎஃப்ஐஜிஎம்எஸ்): இபிஎஃப்ஓ ஐ கிரீவன்ஸ் மேனேஜ்மென்ட் சிஸ்டம் ஆன்லைன் போர்ட்டலுக்கு செல்லவும். உங்கள் மொபைல் எண்ணுடன் யுஏஎன்-ஐப் பயன்படுத்தி லாக் இன் செய்யவும். குறைபாட்டு வகையைத் தேர்ந்தெடுத்து, க்ளைம் ஐடி, காரணம் மற்றும் விவரங்களை என்டர் செய்யவும். ஆதார ஆவணங்களை (எ.கா. ஸ்கிரீன்ஷாட், நிராகரிப்பு கடிதம்) அப்லோடு செய்யவும். ஆன்லைனில் குறைதீர்க்கும் மனுவைச் சமர்ப்பித்து கண்காணிக்கவும். இபிஎஃப்ஐஜிஎம்எஸ்-ஐ உமங் மொபைல் ஆப் மூலமாகவும் இபிஎஃப்ஓ சேவைகளின் கீழ் அணுகலாம்.

பொதுவாக இபிஎஃப்ஓ ஆனது 30 நாட்களுக்குள் புகார்களைத் தீர்க்கிறது, மேலும் நீங்கள் எஸ்எம்எஸ் மற்றும் ஈமெயில் மூலம் அப்டேட்களைப் பெறுவீர்கள்.

இபிஎஃப்ஓ ஹெல்ப்லைன்

நீங்கள் 24×7 இபிஎஃப்ஓ ஹெல்ப்லைன் எண்ணான 14470 அல்லது 1800 118 005 என்ற எண்ணை அழைத்து பிஎஃப் க்ளைம் ஹெல்ப் டெஸ்க்கைத் தொடர்புகொள்ளலாம் மற்றும் அதிகாரிகளுடன் நேரடியாகப் பேசலாம். அப்பொழுது உடனுக்குடன் அப்டேட்களைப் பெற உங்கள் யுஏஎன், க்ளைம் ஐடி மற்றும் மொபைல் எண்ணை அதிகாரியிடம் தெரிவிக்கவும்.

ஊழியர்களுக்கான ஈமெயில்: employeefeedback@epfindia.gov.in

முதலாளிகளுக்கான ஈமெயில்: employerfeedback@epfindia.gov.in

பிராந்திய அலுவலகத்தை தொடர்பு கொள்ளவும்

உங்கள் நிறுவனம்/முதலாளி பதிவு செய்யப்பட்டுள்ள பகுதிக்கான இபிஎஃப்ஓ பிராந்திய அலுவலகத்தின் முகவரி மற்றும் தொடர்பு எண்களை இபிஎஃப்ஓ அதிகாரப்பூர்வ இணையதளத்தில் பெற முடியும். ஈமெயில் மூலமாகவோ அல்லது கால் செய்வதன் மூலமாகவோ அலுவலகத்தைத் தொடர்புகொண்டு உங்கள் யுஏஎன்மற்றும் க்ளைம் விவரங்களை வழங்கவும்.

மேலும், இபிஎஃப் மற்றும் இபிஎஸ்-க்கு இடையே உள்ள வித்தியாசம் பற்றி இங்கே வாசிக்கவும்.

முடிவுரை

இபிஎஃப்ஓ-வின் டிஜிட்டல் மாற்றத்தின் மூலம், உங்கள் பிஎஃப் க்ளைம் ஸ்டேட்டஸை சரிபார்ப்பது, தற்போது வேகமாகவும், எளிதாகவும் உள்ளது. எனவே இபிஎஃப்ஓ போர்ட்டல் க்ளைம் ஸ்டேட்டஸ் விருப்பத்தைப் பயன்படுத்துவதன் மூலமும், உமங் ஆப் அல்லது எஸ்எம்எஸ் சேவைகள் மூலமும், உறுப்பினர்கள் க்ளைம்களை உடனுக்குடன் கண்காணிக்கலாம் மற்றும் அதில் ஏதேனும் முரண்பாடுகள் இருந்தால் அதை விரைவாகச் சரிசெய்யலாம். நிராகரிப்புகளைத் தவிர்க்க கேஒய்சி, ஆதார், பான் மற்றும் வங்கி விவரங்களை சரிபார்ப்பது மிக முக்கியமானது. இபிஎஃப்ஓ மொபைல் ஆப்பைப் பயன்படுத்துவது அலுவலகத்திற்குச் செல்லாமலேயே உங்கள் க்ளைம் குறித்த தகவல்களை தெரிந்துகொள்ள உதவுகிறது.