ప్రారంభికుల కోసం ఆర్థిక స్టేట్‌మెంట్ విశ్లేషణ

సెబీ (SEBI) ద్వారా ఏర్పాటు చేయబడిన బహిర్గత నిబంధనల ప్రకారం, కంపెనీలు తమ ఆర్థిక పనితీరును త్రైమాసిక మరియు వార్షిక ప్రాతిపదికన నివేదించాలి. ఆర్థిక సమాచారం కాకుండా, వార్షిక నివేదికలో కంపెనీ యొక్క ఉత్పత్తులు మరియు సేవలు, నిర్వహణ దృష్టి మరియు మార్గదర్శకత్వం, ఇటీవలి ప్రధాన విజయాలు, నాయకత్వంలోని మార్పులు, విలీనాలు మరియు సముపార్జన సంబంధిత కార్యకలాపాలు, ఏవైనా ముఖ్యమైన నియంత్రణ మార్పులు మొదలైన విలువైన సమాచారం కూడా ఉంటుంది.

ఆర్థిక నివేదికల రకాలను చూద్దాం.

లాభము & నష్టము అకౌంట్ (పి & ఎల్ అకౌంట్)

లాభం మరియు నష్టం అకౌంట్ ఒక కాలవ్యవధిలో కంపెనీ యొక్క ఆర్థిక పనితీరును చూపుతుంది. ఇది సాధారణంగా ఒక త్రైమాసిక లేదా సంవత్సరంలో ఒక నిర్దిష్ట వ్యవధిలో అయిన ఆదాయం, ఖరీధు మరియు ఖర్చులను సంగ్రహం చేస్తుంది.

ఉదా: వార్షిక ఫలితం (12 నెలల వ్యవధి) – 31 మార్చి 2010 ముగిసే సంవత్సరం కోసం.

త్రైమాసిక ఫలితం (3 నెలల వ్యవధి) - జూన్ 30 2010 నాటికి ముగిసే త్రైమాసికం కోసం.

31 మార్చి 2010 ముగిసే సంవత్సరంలో P&L అకౌంట్ యొక్క ఉదాహరణ దిగువన ఇవ్వబడింది.

పి & ఎల్  నివేదిక యొక్క కీలక అంశాల విశ్లేషణ

అమ్మకాలు

కంపెనీ తమ వస్తువులు లేదా సేవల అమ్మకం నుండి రిటర్న్స్ మినహాయింపు, దెబ్బతిన్న లేదా మిస్ అయిన వస్తువుల కోసం భత్యాలు మరియు ఏదైనా అనుమతించబడిన డిస్కౌంట్లు మినహాయించిన తరువాత వచ్చే ఆదాయం. కంపెనీ యొక్క ఆర్థిక  నివేదికలో నివేదించబడిన అమ్మకాల సంఖ్య, ఈ మినహాయింపులను ప్రతిబింబిచిన నికర అమ్మకాల సంఖ్య.

ముడి పధార్దం ఖర్చు

ఇది అమ్మబడిన వస్తువుల పరిమాణాన్ని ఉత్పత్తి చేయడానికి అవసరమైన ప్రత్యక్ష పదార్థాల ఖర్చు.

ట్రేడింగ్ వస్తువులు తుది ఉత్పత్తుల తయారీకి కొనుగోలు చేసిన వస్తువులను సూచిస్తాయి. పి & ఎల్‌ లో, ట్రేడింగ్ వస్తువులు ముడిసరుకు వ్యయంలో ఒక భాగం. ఏ కంపెనీకైనా, ఈ వస్తువుల యొక్క ధర ముడిసరుకు ఖర్చులో కన్నా ఎక్కువ ఉండకూడదు. అయితే, పంపిణీ కంపెనీలు ఈ లెక్కలోకి రావు, వాటి యొక్క ట్రేడింగ్ వస్తువుల ఖర్చు సాధారణంగా ముడి పదార్థాల ఖర్చులో అధిక శాతం గా ఉంటాయి.

ఉద్యోగి ఖర్చు

అన్ని ఉద్యోగుల వేతనాలు, జీతాలు, కమిషన్లు మొదలైన వాటికి చెల్లించిన వాస్తవ మొత్తం మరియు యజమాని చెల్లించిన భీమా ప్రీమియంలు, పెన్షన్ డిపాజిట్లు, వైద్య ప్రయోజనాలు వంటి ఇతర యజమాని అందించే ప్రయోజనాల ఖర్చు యొక్క మొత్తం. అమ్మకాల యొక్క శాతంగా ఉద్యోగి ఖర్చు సాధారణంగా సేవా ఆధారిత కంపెనీలకు ఎక్కువగా ఉంటుంది, ఇక్కడ ప్రధాన అవసరం నైపుణ్యం కలిగిన ప్రతిభ కాబట్టి. యంత్రాల వాడకం ఉపయోగించే తయారీ కంపెనీలకు ఇది తక్కువగా ఉండవచ్చు. అమ్మకాలకు శాతంగా ఉద్యోగి ఖర్చు పరిశ్రమకు అనుగుణంగా ఉండాలి మరియు ఏదైనా వ్యత్యాసం ఉంటే దర్యాప్తు చేయబడాలి.

విధ్యుత్ ఖర్చు

అమ్మిన వస్తువుల పరిమాణాన్ని ఉత్పత్తి చేయడానికి వినియోగించబడే విధ్యుత్ అసలు మొత్తం. భారీ యంత్రాల ప్రమేయం కలిగి ఉన్నందున, సాధారణంగా భారీ తయారీ రంగంలో విద్యుత్ ఖర్చులు ఎక్కువగా ఉంటాయి.

తరుగుదల ఖర్చు

ఇవి ఆస్తి యొక్క ఖర్చును దాని ఉపయోగకరమైన జీవితంపై కేటాయించబడతాయి. ఉదాహరణకు, ఒక కంపెనీ రూ. 1,00,000 పెట్టి ఒక యంత్రాన్ని కొనుగోలు చేస్తే మరియు దానికి 10 సంవత్సరాల ఉపయోగకరమైన జీవితం ఉంటుందని ఆశించినట్లయితే, అది 10 సంవత్సరాలకు తరుగుదల చూపెట్టబడుతుంది. ప్రతి అకౌంటింగ్ సంవత్సరం, కంపెనీ రూ. 10,000  ఖర్చును జోడిస్తుంది, ఇది ప్రతి సంవత్సరం యంత్రం సహాయపడే డబ్బుతో సరిపోలి ఉంటుంది. కంప్యూటర్ల తక్కువ ఉపయోగకరమైన జీవితం కారణంగా ఐటి కంపెనీలు సాధారణంగా అధిక తరుగుదల రేట్లు కలిగి ఉంటాయి.