வெளிநாட்டுப் பயணத்தின் ஆர்வமும், அதற்கான வரிகளும்

உங்களுக்குப் புதிய இடங்களை ஆராய்வது பிடிக்குமா, மேலும் நீங்கள் பார்க்க வேண்டிய இடங்களின் மிக நீண்ட பட்டியல் உங்களிடம் உள்ளது? பயணத்தின்போது உங்கள் பயணத்திட்டங்களை பற்றியும், பட்ஜெட்டை பற்றியும் நீங்கள் திட்டமிடும்போது, அதில் மிக முக்கிய அம்சமான 'வரி விதிப்பை' (Taxation) பற்றி கவனிக்கத் தவறியிருக்கலாம். நீங்கள் இந்தியாவில் வசிப்பவராக இருந்தால், சமீபத்தில் வெளிநாட்டுப் பயணம் மேற்கொண்டிருந்தாலோ அல்லது எதிர்காலத்தில் திட்டமிட்டிருந்தாலோ, வெளிநாட்டுப் பயணங்களுக்கான இந்தியாவின் வரி விதிகள் மற்றும் சலுகைகள் பற்றி தெரிந்து கொள்ளுவது அவசியமாகும்.

வெளிநாட்டுப் பயணச் செலவுகளுக்கு வரி விலக்கு பெற முடியாது. ஆனால், நீங்கள் இந்திய வரி செலுத்துவோராக இருந்தால், வருமான வரிச் சட்டம் 1961-ன் கீழ் விடுப்புப் பயணப் படி (LTA - Leave Travel Allowance) கோரும்பட்சத்தில், உங்கள் உள்நாட்டுப் பயணச் செலவுகளுக்கு வரி விலக்கு பெற முடியும். முதலில் சர்வதேசப் பயணத்தைப் பற்றி பார்ப்போம். உங்கள் பயணத்திட்டத்தைத் தயாரிக்கத் தொடங்குவதற்கு முன், நீங்கள் சுற்றுலா வரியைப் (Tourism Tax) பற்றி தெரிந்து கொள்ளுவது அவசியமாகும். பல நாடுகள் தங்களது சுற்றுலாத் துறையை மேம்படுத்துவதற்காக இந்த வரி விதிப்பு முறையைக் கொண்டு வந்துள்ளன. அதே நேரத்தில், சில நாடுகள் அதிகப்படியான சுற்றுலாவைக் (Over-tourism) கட்டுப்படுத்துவதற்காகவே இந்தச் சுற்றுலா வரியை நடைமுறைப்படுத்துகின்றன.

சில நேரங்களில், பையோ டைவர்சிட்டி ஹாட்ஸ்பாட்ஸ் (Biodiversity hotspots) போன்ற உணர்திறன் வாய்ந்த பகுதிகளில் பார்வையாளர்களின் எண்ணிக்கையைக் கட்டுப்படுத்துவதற்காக இந்த வரியை விதிக்கின்றன. இருப்பினும், சுற்றுலா வரியின் முக்கிய நோக்கம் நிதியைத் திரட்டுவதே ஆகும். இது வரியானது சர்வதேசப் பயணிகளுக்கான ஹோட்டல் வரி, உணவக வரி அல்லது நுழைவு வரி (Arrival tax) போன்ற பல்வேறு வடிவங்களில் வசூலிக்கப்படலாம். இந்தியாவிலிருந்து செல்லும் சுற்றுலாப் பயணிக்கு, இந்த வரிகள் மற்றும் செலவுகளுக்கு வரி விலக்கு எதுவும் கிடையாது என்பதால், இதனை முழுமையாக நீங்கள் ஏற்க வேண்டியிருக்கும். இருப்பினும், மூல வரி வசூல் (TCS - Tax Collected at Source) மற்றும் உங்கள் வெளிநாட்டுப் பயணச் செலவுகளை ஐடிஆர் (ITR - வருமான வரித் தாக்கல்) படிவத்தில் குறிப்பிட வேண்டுமா என்பது குறித்து சில முக்கிய விதிகளைப் பற்றி நீங்கள் தெரிந்து கொள்ளுவது அவசியமாகும்.

வருமான வரித் தாக்கலில் வெளிநாட்டுப் பயணம் பற்றிக் குறிப்பிடுவது கட்டாயமா?

நீங்கள் வெளிநாட்டிற்குப் பயணம் செய்யும்போது, வெளிநாட்டுப் பயணத்திற்காக ரூ.2 லட்சத்திற்கும் அதிகமாகச் செலவிட்டிருந்தால் அதை பற்றிய விவரங்களை ITR படிவத்தில் வழங்க வேண்டும். உங்கள் மொத்த ஆண்டு வருமானம், வரி வரம்பிற்குள் வராவிட்டாலும் கூட, இந்தச் வெளிநாட்டுப் பயணச் செலவானது வருமான வரித் தாக்கல் செய்வதைக் கட்டாயமாக்குகிறது. வரி செலுத்துபவர் தனக்காக மட்டுமின்றி, தனது குடும்ப உறுப்பினர்கள் அல்லது நண்பர்களுக்காகச் செலவிட்டிருந்தாலும் கூட, இந்த விதி பொருந்தும்.

வெளிநாட்டுப் பயணத்திற்காக ரூ.2 லட்சம் மற்றும் அதற்கு மேல் செலவழிக்கப்பட்டிருந்தால், அந்த நபர் அதுகுறித்த விவரங்களை வருமான வரித் தாக்கல் படிவங்களில் தெரிவிக்க வேண்டும். இந்தச் செலவு வெளிநாட்டு அல்லது இந்தியப் பணத்தில் செய்யப்பட்டிருக்கலாம். முக்கியமாக, இந்த விதி தனிப்பட்ட மற்றும் சுற்றுலாப் பயணங்களுக்கு மட்டுமே பொருந்தும். வரி செலுத்துவோரின் மொத்த ஆண்டு வருமானம், வருமான வரித் தாக்கல் வரம்பிற்குள் வராவிட்டாலும் கூட, இந்த வெளிநாட்டுப் பயணச் செலவு காரணமாக வரித் தாக்கல் செய்வது கட்டாயமாகும் என்பதை அவர்களுக்கு உணர்த்தவே, ITR படிவங்களில் ரூ.2 லட்சத்திற்கும் அதிகமான வெளிநாட்டுப் பயணம் பற்றிய தகவல்களை வழங்குவதற்காக ஒரு லைன் (column) சேர்க்கப்பட்டுள்ளது.

ITR Form 4-லும் இந்தத் தகவலை வழங்குவதற்காக லைன் (column) உள்ளது. பொதுவாக, மொத்த ஆண்டு வருமானம் ரூ.50 லட்சத்தை தாண்டாத இந்தியக் குடியிருப்பாளர்களால் ITR-1 (Sahaj) படிவம் பயன்படுத்தப்படுகிறது. அதே நேரத்தில், ITR-4 (Sugam) படிவம் என்பது, வணிகம் அல்லது தொழில் மூலம் வருமானம் ஈட்டும் குடியுரிமை பெற்ற தனிநபர்கள், HUFகள் மற்றும் நிறுவனங்களுக்கானது (LLP தவிர). இந்த இரண்டு படிவங்களிலும், வெளிநாட்டுப் பயணத்திற்காகச் செய்யப்பட்ட மொத்தச் செலவுத் தொகையைக் குறிப்பிடுவது கட்டாயமாகும்.

வெளிநாட்டுப் பயணத்திற்கான வருமான வரியில் TCS விதி:

வெளிநாட்டுப் பயணத்திற்கான வருமான வரியின் மற்றொரு முக்கிய விதி, TCS ஆகும். நீங்கள் வெளிநாட்டுப் பயணப் பேக்கேஜ்களைத் தேர்ந்தெடுக்கும்போது, நீங்கள் வாங்கும் பேக்கேஜின் மொத்தத் தொகையின் அடிப்படையிலேயே இந்த TCS வரி வசூலிக்கப்படும். அதாவது, நீங்கள் ரூ.3 லட்சம் அல்லது ரூ.5 லட்சம் மதிப்புள்ள வெளிநாட்டுப் பயணப் பேக்கேஜை வாங்குகிறீர்கள் என்றால், அந்த முழுத் தொகைக்கும் தற்போதைய விதிகளின்படி 2% TCS வரி விதிக்கப்படும். இந்தப் பயணப் பேக்கேஜை உங்களுக்கு விற்கும் டிராவல் ஏஜென்ட், பேக்கேஜிற்க்கான கட்டணத்தை வசூலிக்கும்போதே இந்த வரியையும் உங்களிடமிருந்து பிடித்து அரசாங்கத்திற்குச் செலுத்துகிறார். இந்த வரியானது TCS என்று அழைக்கப்படுகிறது, அதாவது ஒரு பொருளை விற்கும்போது, வாங்குபவரிடமிருந்து பொருளின் விலையோடு சேர்த்து இந்த வரியையும் விற்பனையாளர் வசூலிக்க வேண்டும். வாங்குபவரிடமிருந்து வசூலித்த வரியை, அப்படியே அரசின் கணக்கில் செலுத்த வேண்டும். ஒரு நபர் இந்தியாவில் உள்ள ஒரு டூர் ஆபரேட்டர் மூலமாக வெளிநாட்டுப் பயணப் பேக்கேஜை முன்பதிவு செய்யும் போது தான் இந்த TCS விதி பொருந்தும்.

வருமான வரிச் சட்டத்தின் பிரிவு 206C (Section 206C) தான் TCS வசூலிப்பதற்கான முக்கியப் பிரிவாகும். குறிப்பிட்ட பொருட்கள் அல்லது சேவைகளை விற்பனை செய்வவர்கள், அதை வாங்குபவர்களிடமிருந்து TCS வரி வசூலித்து அரசாங்கத்திடம் செலுத்த வேண்டும் என்று இந்த பிரிவு கூறுகிறது. அதில், வெளிநாட்டுப் பயணப் பேக்கேஜ்களுக்காக பிரத்யேகமாக துணைப்பிரிவு (1G) அதாவது Section 206C(1G) கொண்டு வரப்பட்டது. இந்த புதிய துணைப்பிரிவு 1G, நிதிச் சட்டம் 2020 மூலம் கொண்டு வரப்பட்டது.

ஒரு தனிநபர் தனது சொந்தப் பணத்தில் வெளிநாட்டுப் பயணம் செல்லும்போது கண்டிப்பாக TCS வசூலிக்கப்படும். ஆனால், மாநில அல்லது மத்திய அரசு, தூதரகம், தூதரக அலுவலகம் அல்லது கமிஷன், உயர் ஆணையம் அல்லது ஒரு வெளிநாட்டு நாட்டின் வர்த்தகப் பிரதிநிதி, மாநகராட்சி மாற்று நகராட்சி போன்ற உள்ளூர் அமைப்புகள் அல்லது மத்திய அரசால் அதிகாரப்பூர்வ அரசிதழ் அறிவிப்பு பெற்றவர்கள் ஆகியோர் தங்களின் அதிகாரப்பூர்வ பயன்பாட்டிற்காக வெளிநாட்டுப் பயணப் பேக்கேஜ்களை வாங்கும் போது, அவர்களிடம் டூர் ஆபரேட்டர்கள் TCS வசூலிக்கக் கூடாது.

வெளிநாட்டுப் பயணத்திற்கான TCS விகிதங்கள்:

வெளிநாட்டுப் பயணப் பேக்கேஜ்களை வாங்குபவர் பான் கார்டு விவரங்களை வழங்கியிருந்தால், விற்பனையாளரால் 5% TCS வரி வசூலிக்கப்படும். ஆனால் வெளிநாட்டுப் பயணப் பேக்கேஜ்களை வாங்குபவர் பான் கார்டு விவரங்களை வழங்கவில்லை என்றால், பிரிவு 206CC-ன்படி (Section 206CC), விற்பனையாளரால் 10% TCS வரி வசூலிக்கப்படும். ஆபரேட்டர் உங்கள் பான் எண்ணைக் குறிப்பிட்டுதான் இந்த வரியை அரசிடம் செலுத்த வேண்டும். உங்கள் ஒட்டுமொத்த வருமான வரிப் பொறுப்பை (Tax Liability) விட இந்த TCS தொகை அதிகமாக இருந்தால், நீங்கள் வருமான வரித் தாக்கல் செய்யும்போது அந்தப் பணத்தை முழுமையாக ரீஃபண்டாகப் பெற்றுக் கொள்ளலாம். டூர் ஆபரேட்டர் உங்களிடமிருந்து TCS தொகையை வசூலித்து, அதை அரசின் கணக்கில் செலுத்திய பிறகு நீங்கள் பயணத்தை ரத்து செய்தால், டூர் ஆபரேட்டர் அந்த வரியை உங்களுக்கு திருப்பித் தர சட்டப்படி வாய்ப்பு இல்லை.

உங்கள் முன்பதிவு ரத்து செய்யப்பட்டாலோ அல்லது வசூலிக்கப்பட்ட TCS உங்கள் ஒட்டுமொத்த வரிப் பொறுப்பை விட அதிகமாக இருந்தாலோ, வருமான வரித் தாக்கல் செய்து தான் அதை ரீஃபண்டாகப் பெற முடியும். எனினும் நீங்கள் ஏற்கனவே வழக்கமாக வருமான வரி செலுத்துபவராக இருந்தால், இந்த விதி உங்களுக்குக் கூடுதல் வரிச் சுமையை ஏற்படுத்தாது, ஆனால் முன்பதிவுசெய்யும் போது தற்காலிகமாகக் கூடுதல் பணம் செலவழிக்க நேரிடும்.

இந்தியாவில் விவசாய வருமானத்திற்கு வருமான வரி விலக்கு அளிக்கப்பட்டுள்ளதால், பல விவசாயிகள் வழக்கமாக வருமான வரி ரிட்டர்ன்ஸ் (ITR) தாக்கல் செய்வதில்லை. ஆனால், அவர்கள் ஒரு வெளிநாட்டுப் பயணப் பேக்கேஜ் வாங்கும்போது, டூர் ஆபரேட்டர் கட்டாயமாக TCS வசூலிப்பார். அப்படி வசூலிக்கப்பட்ட பணத்தைத் திரும்பப் பெற, அவர்கள் கட்டாயமாக ITR தாக்கல் செய்ய வேண்டும். அப்போதுதான் அரசு அந்த TCS தொகையை அவர்களின் வங்கிக் கணக்கிற்கு ரீஃபண்ட் செய்யும். வருமான வரிச் சட்டத்தின் (Section 139(1)-ன் கீழ்) ஒரு நிதியாண்டில் வெளிநாட்டுப் பயணத்திற்காக ரூ.2 லட்சத்திற்கும் அதிகமாகச் செலவு செய்யுபவர்கள், தங்களின் வருமானம் வரி வரம்பிற்குள் வராவிட்டாலும் கட்டாயமாக வருமான வரி ரிட்டர்ன்ஸ் தாக்கல் செய்ய வேண்டும். இந்த விதியின் முக்கியக் காரணமே பெரிய அளவில் செலவு செய்யுபவர்களைக் கண்காணிப்பது தான்.

இந்தியாவிற்குள் பயணிக்கிறீர்களா?

LTA மூலமாக வரி விலக்கு பெற, பயணம் கண்டிப்பாக இந்திய எல்லைக்குள்ளேயே இருக்க வேண்டும். இருப்பினும் தங்குமிடம், உணவு, பொழுதுபோக்கு அல்லது சுற்றிப் பார்ப்பது போன்ற பிற செலவுகளுக்கு LTA விலக்கு பெற முடியாது. இப்போது வெளிநாட்டுப் பயணத்திற்கான வருமான வரி பற்றிய தகவல்களை நீங்கள் முழுமையாக தெரிந்து கொண்டீர்கள். மேலும், ஒரு டூர் ஆபரேட்டர் மூலம் வெளிநாட்டுப் பயணத்தை முன்பதிவு செய்யும்போது நீங்கள் எவ்வளவு TCS செலுத்த வேண்டியிருக்கும் மற்றும் அதை எப்படி ரீஃபண்ட் பெறுவது போன்ற அனைத்து விதிகளையும் நீங்கள் மிகத் தெளிவாகவும், துல்லியமாகவும் புரிந்து கொண்டுள்ளீர்கள்.

வரி தொடர்பான கட்டுரைகள்:

• மொபைல் போன்களுக்கான Gst
• இந்து கூட்டு குடும்ப வரி விகிதங்கள் (Hindu Undivided Family Tax Rates)
• பல்வேறு வகையான TDS பிடித்தம்
• விவசாய வருமானம் என்றால் என்ன?
• TDS ரிட்டர்ன் தாக்கல் செய்வது எப்படி?
• வரிக்கு பிந்தைய லாபம் (PAT) என்றால் என்ன?

வருமானம் ஈட்டும் நபர் எந்தத் துறையைச் சேர்ந்தவராக இருந்தாலும் (சம்பளம் வாங்குபவர், சொந்தத் தொழில் செய்பவர், ஃப்ரீலான்ஸர் அல்லது பங்குகள்/மியூச்சுவல் ஃபண்டுகளில் முதலீடு செய்து லாபம் ஈட்டும் முதலீட்டாளர்) இந்திய வரிச் சட்டங்களின்படி தங்களின் வருமானத்தை முறையாகக் கணக்கிட்டு வரி தாக்கல் செய்ய வேண்டியது அவசியமாகும். வரி விதிகளை முன்கூட்டியே தெரிந்து கொள்வதன் மூலம், சரியான ITR படிவத்தைத் தேர்ந்தெடுத்து, குறிப்பிட்ட காலக்கெடுவுக்குள் தாக்கல் செய்ய முடியும். இதனால் தாமதக் கட்டணம் மற்றும் வட்டி போன்ற தேவையற்ற அபராதங்களைத் தவிர்த்து, சிறந்த முதலீடுகளைச் செய்யவும், நிதி நிலையை உயர்த்தவும் பெரிதும் உதவுகிறது.