தமிழ்
இந்தியாவில் GST (சரக்கு மற்றும் சேவை வரி) ஜூலை 1, 2017 அன்று அறிமுகப்படுத்தப்பட்டது. GST அறிமுகப்படுத்தப்படுவதற்கு முன்பு, இருசக்கர வாகனங்கள் மீது மத்திய கலால் வரி (Central Excise Duty), மதிப்புக் கூட்டு வரி (VAT), மற்றும் பல்வேறு உள்ளூர் வரிகள் எனப் பல வரிகள் தனித்தனியாக விதிக்கப்பட்டன. GST வந்த பிறகு, இவை அனைத்தும் ஒருங்கிணைக்கப்பட்டு ஒரே வரியாக மாறியது. சில பிரிவுகளைத் தவிர, இருசக்கர வாகனங்கள் உட்பட அனைத்துப் பொருட்கள் மற்றும் சேவைகளுக்கும் GST விதிக்கப்படுகிறது. நீங்கள் ஒரு இருசக்கர வாகனம் வாங்க வாங்குபவராக இருந்தால், பைக்குகளுக்கான GST-யின் தாக்கம் எவ்வளவு முக்கியம் என்பதை புரிந்துகொள்வது மிகவும் முக்கியம், ஏனெனில் அது வாகனத்தின் ஒட்டுமொத்த விலையை தீர்மானிக்கிறது.
முக்கியக் குறிப்புகள்:
- 350cc-க்குக் குறைவான எஞ்சின் திறன் கொண்ட இருசக்கர வாகனங்களுக்கு 18% ஆகவும், 350cc-க்கும் அதிகமான எஞ்சின் திறன் கொண்ட இருசக்கர வாகனங்களுக்கு 40% ஆகவும் GST விதிக்கப்படுகிறது.
- மின்சார இருசக்கர வாகனங்களுக்கு 5% GST மட்டுமே விதிக்கப்படுகிறது, இது பெட்ரோல் பைக்குகளுக்கான வரியை விட மிகவும் குறைவாகும்.
- இருசக்கர வாகனக் காப்பீட்டுக்கு 18% GST வசூலிக்கப்படுகிறது, எனவே இது காப்பீட்டு ஆன-ரோடு விலையை நேரடியாகப் பாதிக்கிறது.
- GST விதிகளின்படி, உள்ளீட்டு வரி வரவு (Input Tax Credit - ITC) என்பது வணிகத் தேவைகளுக்காக மட்டுமே பிரத்தியேகமாக வரையறுக்கப்பட்டுள்ளது.
இருசக்கர வாகனங்களுக்கான GST: கண்ணோட்டம்:
ஸ்கூட்டர்கள் மற்றும் மோட்டார் சைக்கிள்கள் போன்ற இருசக்கர வாகனங்கள் இந்தியாவின் முதன்மைப் போக்குவரத்து முறையாகும். நாட்டின் ஒட்டுமொத்த வரிமுறையைச் சீரமைக்கும் நோக்கில், அனைத்துப் பொருட்களுடனும் சேர்த்து இருசக்கர வாகனங்களும் GST விதிப்பின் கீழ் கொண்டுவரப்பட்டன. இது வெளிப்படையான மற்றும் சீரான வரிவிதிப்பை உறுதிசெய்து, உற்பத்தியாளர்கள் மற்றும் நுகர்வோர் ஆகிய இருவருக்குமான செயல்முறையை எளிதாக்குகிறது.
இருசக்கர வாகனங்களுக்கான GST ஆனது, வாகனத்தின் எக்ஸ்-ஷோரூம் விலையின் ஒரு பகுதியாக சேர்க்கப்பட்டுள்ளது. இந்த விலையில் உற்பத்திச் செலவு, விநியோக லாப வரம்பு, டீலர் கமிஷன் மற்றும் பிற செலவுகளும் அடங்கும். GST விதிக்கப்பட்டவுடன், சாலை வரி, கட்டணம் மற்றும் பதிவுக் கட்டணம் போன்ற கூடுதல் கட்டணங்கள் வாகனத்தின் ஆன-ரோடு விலையை மேலும் நிர்ணயிக்கின்றன.
மேலும் படிக்க: கார்களுக்கான ஜிஎஸ்டி
இருசக்கர வாகனங்களுக்கான GST விகிதங்கள்:
பைக்குகள் மற்றும் ஸ்கூட்டர்களுக்கான GST விதிப்பானது புதிய வாகனங்கள் மற்றும் பயன்படுத்தப்பட்ட (Used) வாகனங்களுக்கு இடையே வேறுபடுகிறது. புதிய வாகனங்களுக்கு அவற்றின் இன்ஜின் திறன் (cc) மற்றும் எரிபொருள் வகையின் (பெட்ரோல் / மின்சாரம்) அடிப்படையில் வரி நிர்ணயிக்கப்படுகிறது. பயன்படுத்தப்பட்ட வாகனங்களுக்கு டீலரின் லாப வரம்பிற்கு (Margin) மட்டுமே GST பொருந்தும்.
பல்வேறு ஸ்கூட்டர் மற்றும் பைக்குகளுக்கான GST விகிதங்களை விவரிக்கும் அட்டவணை கீழே கொடுக்கப்பட்டுள்ளன:
| இரு சக்கர வாகன எஞ்சின் கொள்ளளவு | GST விகிதம் |
| 350cc-க்கும் குறைவான என்ஜின் திறன் கொண்ட இருசக்கர வாகனங்கள் | 18% |
| 350cc-க்கு மேற்பட்ட என்ஜின் திறன் கொண்ட இருசக்கர வாகனங்கள் | 40% |
| மின்சார இரு சக்கர வாகனங்கள் | 5% |
மின்சார வாகனங்களுக்கு (EVs) பொருந்தும் GST விகிதத்துடன் ஒப்பிடும்போது, வழக்கமான எஞ்சின் கொண்ட இருசக்கர வாகனங்களுக்கான GST விகிதம் மிகவும் அதிகமாக உள்ளது. மின்சார வாகனங்களின் பயன்பாட்டை ஊக்குவிப்பதற்காக, இந்திய அரசாங்கம் இதற்குக் குறைந்தபட்சமாக 5% GST வரி விகிதத்தை நிர்ணயித்துள்ளது. இந்த வரி குறைப்பானது சுற்றுச்சூழல் பாதுகாப்பு மற்றும் காற்று மாசுபாட்டைக் குறைப்பதற்கான அரசின் நீண்டகால இலக்குகளுக்கு பெரிதும் உதவுகிறது.
மோட்டார் வாகனச் சட்டத்தின்படி இருசக்கர வாகனக் காப்பீடு கட்டாயமானதால், நீங்கள் பைக் அல்லது ஸ்கூட்டரை வாங்கும் போது அதற்கான GSTயையும் செலுத்த வேண்டியிருக்கும். இருசக்கர வாகனக் காப்பீட்டிற்கான GST விகிதம் தற்போது 18% ஆக உள்ளது குறிப்பிடத்தக்கது.
இருசக்கர வாகனங்கள் மீதான GST: உதாரணம்
இருசக்கர வாகனங்களுக்கான GST அவற்றின் விலைகளை எவ்வாறு பாதிக்கிறது என்பத பற்றி புரிந்துகொள்வதற்கான உதாரணம்,
நீங்கள் ஒரு 400cc மோட்டார் சைக்கிளை வாங்க விரும்புகிறீர்கள் என்று வைத்துக்கொள்வோம். GST வரி விதிப்பிற்கு முந்தைய அந்த பைக்கின் விலை விவரமானது,
- உற்பத்தியாளருக்கான செலவு - ரூ.1,80,000
- போக்குவரத்து கட்டணம் - ரூ.8,000
- டீலர் கமிஷன் - ரூ.20,000
- GSTக்கு முன் வாகனத்தின் மொத்த விலை - ரூ.2,08,000
பைக்கின் இன்ஜின் திறன் 350cc-ஐத் தாண்டுவதால், GST சீர்திருத்தம் 2.0-இன் கீழ் இது ஒரு சொகுசுப் பொருளாக வகைப்படுத்தப்பட்டு, 40% GST வரி விதிக்கப்படுகிறது. இந்த வாகனத்தின் எக்ஸ்-ஷோரூம் விலை விவரமானது,
எக்ஸ்-ஷோரூம் விலை= GSTக்கு முந்தைய வாகனத்தின் மொத்த விலை + (GSTக்கு முந்தைய வாகனத்தின் மொத்த விலை x 40%)
எக்ஸ்-ஷோரூம் விலை= ரூ.2,08,000 + (ரூ.2,08,000 x 40%)
எக்ஸ்-ஷோரூம் விலை= ரூ.2,08,000 + ரூ.83,200 = ரூ.2,91,200
ஆன்-ரோடு விலையை நிர்ணயிக்க, எக்ஸ்-ஷோரூம் விலையுடன் சாலை வரி, காப்பீடு கட்டணம் மற்றும் பதிவுக் கட்டணம் போன்ற கூடுதல் செலவுகள் சேர்க்கப்பட வேண்டும். கூடுதல் செலவுகளின் விவரம் இதோ.
- சாலை வரி- ரூ.12,680
- பதிவுக் கட்டணம்- ரூ.10,000
- காப்பீடு- ரூ.26,000 (இருசக்கர வாகனக் காப்பீட்டிற்கான 18% GST உட்பட, இதன் மதிப்பு ரூ.4,000)
- மொத்த கூடுதல் செலவுகள்- ரூ.48,680
இப்போது, மோட்டார் சைக்கிளின் எக்ஸ்-ஷோரூம் விலையுடன் மேற்கண்ட கூடுதல் செலவுகளைச் சேர்ப்பதன் மூலம் அதன் ஆன்-ரோடு விலையானது,
ஆன்-ரோடு விலை= ஷோரூம் விலை + கூடுதல் செலவுகள்
ஆன்-ரோடு விலை= ரூ.2,91,200 + ரூ.48,680
ஆன்-ரோடு விலை= ரூ.3,39,880
ஆன்-ரோடு விலை ரூ.3,39,880 கொண்ட ஒரு மோட்டார் சைக்கிளுக்கு, நீங்கள் மொத்தமாக ரூ.87,200 GST செலுத்தியிருப்பீர்கள் (ரூ.83,200 பைக்கிற்கு + ரூ.4,000 காப்பீட்டிற்கு).
மேலும் படிக்க: ஜிஎஸ்டி என்றால் என்ன மற்றும் அதன் வகைகள் யாவை?
இருசக்கர வாகனங்கள் மீதான GST-க்கான உள்ளீட்டு வரி வரவு (ITC):
உள்ளீட்டு வரி வரவு (ITC) என்பது GST விதிப்பின் கீழ் உள்ள ஒரு தனித்துவமான வழிமுறையாகும். இது, பதிவுசெய்யப்பட்ட வணிகங்கள் தங்கள் வாங்கும் பொருட்கள் அல்லது சேவைகளுக்குச் செலுத்திய GST-யை, விற்பனையின் போது அரசுக்குச் செலுத்த வேண்டிய GST-யிலிருந்து கழித்துக் கொண்டு, தங்களின் வரிப் பொறுப்பைக் குறைத்துக் கொள்ள அனுமதிக்கிறது.
இருப்பினும், பைக்குகள் மற்றும் ஸ்கூட்டர்களுக்கான GST-யில் உள்ளீட்டு வரி வரவு (ITC) பெற வேண்டுமானால், நீங்கள் பின்வரும் நிபந்தனைகளில் ஏதேனும் ஒன்றைப் பூர்த்தி செய்ய வேண்டும்:
- நீங்கள் பயணிகளை ஏற்றிச் செல்லவோ அல்லது பொதுப் போக்குவரத்திற்காகவோ இருசக்கர வாகனத்தைப் பயன்படுத்துபவராக இருக்க வேண்டும்.
- நீங்கள் ஒரு வாகன டீலராகவோ அல்லது விநியோகஸ்தராகவோ இருந்து, அந்த வாகனங்களை மற்ற வாடிக்கையாளர்களுக்கு மறுவிற்பனை/விநியோகம் செய்யுபவராக இருக்க வேண்டும்.
- நீங்கள் ஓட்டுநர் பயிற்சி மையத்தின் மூலம் தனிநபர்களுக்குப் பயிற்சி அளிக்க இருசக்கர வாகனத்தைப் பயன்படுத்துபவராக இருக்க வேண்டும்.
மேலே குறிப்பிடப்பட்ட நிபந்தனைகளில் ஏதேனும் ஒன்றை நீங்கள் பூர்த்தி செய்து, GSTவரி விதிப்பின் கீழ் பதிவு செய்திருந்தால், பைக்குகளுக்கான GST மீதான உள்ளீட்டு வரி வரவை நீங்கள் கோரலாம்.
இருசக்கர வாகனங்கள் மீதான GST-யின் தாக்கம்:
இருசக்கர வாகனங்கள் மற்றும் ஸ்கூட்டர்கள் மீதான GST வரி விதிப்பானது, சம்பந்தப்பட்ட பல்வேறு தரப்பினரை வெவ்வேறு விதங்களில் பாதிக்கிறது.
GST அறிமுகத்திற்குப் பிறகு, வாகனத்தின் அடிப்படை விலை எவ்வளவு, அதற்கு விதிக்கப்படும் வரி எவ்வளவு என்பது பில்லில் தெளிவுபடுத்தப்படுவதால் வாகனங்களை வாங்குபவர்களுக்கு வெளிப்படைத்தன்மை கிடைக்கிறது. இதனால் 350cc-க்கு மேல் எஞ்சின் திறன் கொண்ட வாகனங்களின் விலையையும் கணிசமாக உயர்கிறது. பெட்ரோல் பைக்குகளுக்கான அதிகபட்ச வரியோடு ஒப்பிடும்போது, மின்சார வாகனங்களுக்கு 5% GST மட்டுமே விதிக்கப்படுவதால், அது சுற்றுச்சூழல் ஆர்வலர்களுக்கு மட்டுமின்றி, பணத்தை மிச்சப்படுத்த நினைக்கும் நுகர்வோருக்கும் சிறந்த தேர்வாக அமைகிறது.
சீர்திருத்தம் 2.0-க்குப் பிறகு மோட்டார் பைக்குகளுக்கான GST விகிதங்கள்:
புதிய GST விதிமுறைகள், என்ஜின் திறனின் அடிப்படையில் மோட்டார் பைக்குகளைத் தெளிவாக வகைப்படுத்துகின்றன. இது பல்வேறு பிரிவுகளில் குறிப்பிடத்தக்க விலை மாற்றங்களை ஏற்படுத்தி, சாமானிய மக்கள் மற்றும் பிரீமியம் வாடிக்கையாளர்கள் என இரு தரப்பினரையும் பாதிக்கும்.
- 350cc வரையிலான மோட்டார் சைக்கிள்கள் மற்றும் ஸ்கூட்டர்கள்: 18% என்ற குறைக்கப்பட்ட GST விகிதத்தில் வரி விதிக்கப்படுவதால், பிரபலமான நடுத்தர மாடல்களின் விலைகள் குறைகின்றன.
- 350cc-க்கு மேற்பட்ட மோட்டார் சைக்கிள்கள்: இவை சொகுசு வாகனங்களாகக் கருதப்படுவதால், இவற்றின் மீது 40% GST விதிக்கப்படுகிறது, இது உயர் ரக பைக்குகளின் விலையை கணிசமாக அதிகரிக்கிறது.
- மின்சார இருசக்கர வாகனங்கள்: மின்சார இருசக்கர வாகனங்களுக்கு 5% GST சலுகை அளிக்கப்படுவதன் மூலம், சுற்றுச்சூழல் சார்ந்த மின்சாரப் போக்குவரத்துக்கான ஆதரவு வலுப்படுத்தப்படுகிறது.
இருசக்கர வாகனங்களுக்கான ITC மீது GST சீர்திருத்தம் 2.0-இன் தாக்கம்:
GST சீர்திருத்தம் 2.0 அறிமுகப்படுத்திய 5% மற்றும் 18% என்ற எளிமையான வரிகள், ITC கட்டமைப்பை மாற்றாவிட்டாலும், வணிகங்களுக்கான உள்ளீட்டு வரி வரவு அளவில் சில தாக்கங்களை ஏற்படுத்தியுள்ளது.
- தொடக்க நிலை இருசக்கர வாகனங்களைப் பயன்படுத்தும் வணிகங்கள்: 350cc-க்கும் குறைவான பைக்குகளின் வணிகப் பயன்பாட்டிற்கு இனி 18% ITC அனுமதிக்கப்படுகிறது. இது, முந்தைய 28% வரி விகிதத்தோடு ஒப்பிடும்போது, வணிகங்களுக்கான ஆரம்ப வரிச் செலவைக் குறைக்கிறது.
- அதிக திறன் கொண்ட பைக்குகளைப் பயன்படுத்தும் வணிகங்கள்: வணிக நோக்கங்களுக்காகப் பயன்படுத்தப்படும் 350cc-க்கு மேற்பட்ட மோட்டார் சைக்கிள்களுக்கு 40% GST விதிக்கப்படுகிறது. எனவே, இது ITC கோர அனுமதிக்கிறது.
முடிவுரை:
வரும்காலத்தில் இருசக்கர வாகனத்தை வாங்க விரும்புகிறீர்கள் என்றால், அதன் மீது உள்ள GST-யைப் பற்றி புரிந்துகொள்வது அவசியமாகும். உங்கள் நிதிச் சுமையைக் குறைக்க விரும்பினால், மின்சார வாகனத்தைத் தேர்ந்தெடுப்பது சிறந்த தீர்வாக இருக்கும். மின்சார வாகனங்கள் மீது GST விகிதம் குறைவாக இருப்பதால், உங்கள் ஆரம்பக் கொள்முதல் செலவைக் குறைப்பதோடு மட்டுமல்லாமல் சுற்றுச்சூழல் பாதுகாப்பிற்கு உதவுகிறது. மேலும், இதனைத் தேர்ந்தெடுப்பதன் மூலம் மாநில அரசின் மானியங்களையும், குறைந்த இயக்கச் செலவு சார்ந்த நன்மைகளையும் நீங்கள் பெற முடியும்.
