பிக்சட் இன்கம் ஆர்பிட்டரேஜ் என்றால் என்ன?

நிதிச் சந்தைகளில் டிரேடிங் செய்வதைத் தவிர, பெரிய நிறுவனங்கள் மற்றும் ஹெட்ஜ் ஃபண்டுகள் போன்ற பெரிய அளவிலான டிரேடர்களும் முதலீட்டாளர்களும் லாபம் ஈட்ட வழக்கமாக ஆர்பிட்டரேஜ் வியூகங்களையும் பயன்படுத்துகின்றனர். இந்த வியூகங்கள் முதலீட்டு விருப்பங்களுடன் பொதுவாக தொடர்புடைய பல்வேறு ரிஸ்க்குகளைக் கட்டுப்படுத்த உதவுகின்றன, அதே நேரத்தில் முதலீட்டாளருக்கு நல்ல லாபத்தையும் வழங்குகின்றன.

பல்வேறு அசெட் கிளாஸ்களில் உள்ள சிறிய விலை வித்தியாசங்களிலிருந்து லாபம் ஈட்டப் பயன்படும் பல பிரபலமான முறைகளில் பிக்சட்-இன்கம் ஆர்பிட்டரேஜ் வியூகங்களும் ஒன்றாகும். பிக்சட்-இன்கம் ஆர்பிட்டரேஜ் பற்றி மேலும் தெரிந்து கொள்ள தொடர்ந்து படியுங்கள்.

பிக்சட் இன்கம் ஆர்பிட்டரேஜ் என்றால் என்ன?

பிக்சட் இன்கம் ஆர்பிட்டரேஜின் விவரங்களுக்குச் செல்வதற்கு முன், முதலில் பிக்சட் இன்கம் செக்யூரிட்டிகள் பற்றி முழுமையாக புரிந்துகொள்வோம்.

பிக்சட்-இன்கம் செக்யூரிட்டி என்பது ஒரு நிதி சார்ந்த முதலீட்டு கருவியாகும், இதில் வழங்குபவர் முதலீட்டாளருக்குக் குறிப்பிட்ட காலத்திற்குத் தொடர்ந்து நிலையான வட்டித் தொகையை வழங்க வேண்டும். பாண்டுகள் (Bonds), டிபென்ச்சர் ஹோல்டர்கள், கருவூலப் பத்திரங்கள், சேமிப்புச் சான்றிதழ்கள் மற்றும் வங்கி டெபாசிட்டுகள் ஆகியவை பிக்சட் இன்கம் செக்யூரிட்டிகளுக்குச் சில உதாரணங்களாகும். பங்குகள் போன்ற மற்ற சந்தை சார்ந்த விருப்பங்களுடன் ஒப்பிடும்போது இந்த செக்யூரிட்டிகள் பொதுவாக குறைந்த ரிஸ்க் கொண்ட முதலீடுகளாகக் கருதப்படுகின்றன. மேலும், டிபென்ச்சர்கள், கன்வெர்ட்டிபில் பாண்டுகள் மற்றும் கருவூலப் பத்திரங்கள் போன்ற பல பிக்சட்-இன்கம் செக்யூரிட்டிகள் ஒரு கம்பெனியின் பங்குகளைப் போலவே சந்தையில் பட்டியலிடப்பட்டு டிரேடு செய்யப்படுகின்றன. சரி, பிக்சட் இன்கம் செக்யூரிட்டுகள் என்றால் என்ன என்பது இப்போது உங்களுக்குத் தெளிவாகப் புரிந்திருக்கும். இப்பொழுது பிக்சட் இன்கம் ஆர்பிட்டரேஜ் வியூகங்களுக்குத் திரும்புவோம்.

பிக்சட்-இன்கம் ஆர்பிட்டரேஜ் எப்படி வேலை செய்கிறது?

பிக்சட்-இன்கம் ஆர்பிட்டரேஜ் வியூகங்கள் சரியாகச் செயல்பட, இரண்டு முக்கிய நிபந்தனைகள் பூர்த்தி செய்யப்பட வேண்டும்.

• பிக்சட்-இன்கம் செக்யூரிட்டிகள் எளிதில் வாங்க மற்றும் விற்கக்கூடிய லிக்யூடிட்டி கொண்டவையாக இருக்க வேண்டும்.
• ஆர்பிட்டரேஜ் வியூகத்திற்குப் பயன்படுத்தப்படும் செக்யூரிட்டிகள் கிட்டத்தட்ட ஒரே மாதிரி இருக்க வேண்டும், அவற்றுக்கிடையே மிகக் குறைந்த வித்தியாசங்கள் மட்டுமே இருக்க வேண்டும்.

இந்த நிபந்தனைகள் பூர்த்தி செய்யப்பட்டதும், குறைவாக மதிப்பிடப்பட்ட செக்யூரிட்டியில் லாங் பொசிஷனும், அதிகமாக மதிப்பிடப்பட்ட செக்யூரிட்டியில் ஷார்ட் பொசிஷனும் எடுக்கப்படுகிறது. இரண்டு டிரேடுகளையும் ஒரே நேரத்தில் செயல்படுத்துவது விலை வித்தியாசத்தைப் பூட்டி வைக்கும். இரண்டு செக்யூரிட்டிகளின் விலைகளும் கரெக்ஷனுக்கு உட்பட்டவுடன், லாபத்தைப் பெற இரண்டு டிரேடுகளையும் செட்டில் செய்து கொள்ளலாம்.

இந்த வியூகம் எவ்வாறு செயல்படுகிறது என்பதை இப்போது நீங்கள் அறிவீர்கள். இந்தக் கருத்தைப் நன்றாகப் புரிந்துகொள்ள ஒரு பிக்சட் இன்கம் ஆர்பிட்டரேஜ் உதாரணத்தைப் பார்ப்போம்.

பிக்சட்-இன்கம் ஆர்பிட்டரேஜ் - ஒரு உதாரணம்

ஒரு கம்பெனியின் கன்வெர்ட்டிபிள் பாண்டு போன்ற பிக்சட் இன்கம் செக்யூரிட்டி இருப்பதாக வைத்துக்கொள்வோம். கன்வெர்ட்டிபில் பாண்டின் சந்தை விலைக்கும் அதன் அடிப்படையிலான பங்கின் விலைக்கும் இடையே உள்ள விலை வித்தியாசத்தைப் பயன்படுத்தி நீங்கள் லாபம் பெறலாம். அதைச் செய்ய, நீங்கள் கன்வெர்ட்டிபில் பாண்டில் லாங் பொசிஷனும், அதே நேரத்தில் கம்பெனியின் பங்குகளில் ஷார்ட் பொசிஷனும் எடுக்க வேண்டும்.

பங்கின் விலை குறையும் போது, ஷார்ட் பொசிஷன் மூலம் நல்ல லாபம் கிடைக்கும், அதே நேரத்தில் லாங் பொசிஷனில் சிறிய விலைத் திருத்தம் மட்டுமே காணப்படும். ஷார்ட் பொசிஷன் மற்றும் லாங் பொசிஷன் விலைகளுக்கு இடையேயான வித்தியாசம் உங்கள் லாபமாக இருக்கும்.

மாறாக, கன்வெர்ட்டிபில் பாண்டின் அடிப்படைப் பங்குடன் ஒப்பிடும்போது அதன் விலை அதிகமாக இருப்பதாக நீங்கள் நினைத்தால், கன்வெர்ட்டிபில் பாண்டை ஷார்ட் செய்துவிட்டு, அதே நேரத்தில் அடிப்படைப் பங்கில் லாங் பொசிஷனை எடுக்கலாம்.

கன்வெர்ட்டிபில் பாண்டு ஆர்பிட்டரேஜ் ஒரு சிறந்த பிக்சட்-இன்கம் ஆர்பிட்டரேஜ் உதாரணமாக இருந்தாலும், அது ஒன்றே வழி அல்ல. ஸ்வாப்-ஸ்பிரெட் மற்றும் ஈல்டு கர்வ் ஆகியவை மற்ற இரண்டு பிரபலமான பிக்சட்-இன்கம் ஆர்பிட்டரேஜ் உதாரணங்களாகும்.

முடிவுரை

பிக்சட்-இன்கம் ஆர்பிட்டரேஜ் வியூகங்கள் லாபகரமானதாகத் தோன்றினாலும், அவற்றுடன் குறிப்பிடத்தக்க அளவு ரிஸ்க்கும் உள்ளது. அதுமட்டுமின்றி, பிக்சட் இன்கம் ஆர்பிட்டரேஜை சரியாகச் செயல்படுத்த, முதலீட்டாளர் பெரிய அளவிலான முதலீட்டுத் தொகையைக் கொண்டிருப்பது மிகவும் அவசியமாகும். ஹெட்ஜ் ஃபண்டுகள், பிரைவேட் ஈக்விட்டி நிறுவனங்கள் மற்றும் இன்வெஸ்ட்மென்ட் வங்கிகள் போன்ற பெரிய நிறுவன முதலீட்டாளர்கள் மட்டுமே அத்தகைய முதலீட்டு வியூகங்களைப் பயன்படுத்துவதற்கு இவை இரண்டு முக்கியக் காரணங்களாகும்.

ஏஞ்சல் ஒன் (Angel One) உடன் ஸ்மார்ட் மணி மூலம் ஆன்லைனில் இலவசமாக பங்குச் சந்தை கோர்ஸ் கற்றுக்கொள்ளுங்கள்.

இன்றைய பங்குச் சந்தை விலைகளை ஆராயுங்கள்.

ஐஆர்எஃப்சி ஷேர் பிரைஸ்	சுஸ்லான் ஷேர் பிரைஸ்
ஐரெடா ஷேர் பிரைஸ்	டாடா மோட்டார்ஸ் ஷேர் பிரைஸ்
யெஸ் வங்கி ஷேர் பிரைஸ்	எச்டிஎஃப்சி வங்கி ஷேர் பிரைஸ்
என்எச்பிசி ஷேர் பிரைஸ்	ரயில் விகாஸ் நிகம் லிமிடெட் ஷேர் பிரைஸ்
எஸ்பிஐ ஷேர் பிரைஸ்	டாடா பவர் ஷேர் பிரைஸ்

இந்தியப் பங்குச் சந்தையானது மூலதன உருவாக்கம், செல்வம் பெருக்குதல் மற்றும் பெருநிறுவன வளர்ச்சிக்கு உதவுவதன் மூலம் நாட்டின் பொருளாதாரத்தில் முக்கியப் பங்கு வகிக்கிறது. முதலீட்டாளர்களுக்கு, நாட்டின் மிகவும் வெற்றிகரமான சில கம்பெனிகளில் ஈக்விட்டி வைத்திருப்பதன் மூலம் காலப்போக்கில் பணத்தை வளர்க்க இது ஒரு வாய்ப்பை வழங்குகிறது.

சக்திவாய்ந்த ஆன்லைன் டிரேடிங் பிளாட்பார்ம், ஏஆர்கியூ பிரைம் ஸ்மார்ட் பரிந்துரைகள், ஐபிஓ அணுகல் மற்றும் ரிசர்ச் அறிக்கைகள் ஆதரவு ஆகியவற்றுடன் பங்குச் சந்தையை உங்கள் விரல் நுனிற்குக் கொண்டு வருகிறது ஏஞ்சல் ஒன். நீங்கள் சிறியளவில் முதலீடு செய்யத் தொடங்கினாலும் சரி அல்லது நீண்ட கால முதலீட்டு தொகுப்பை உருவாக்கினாலும் சரி, பங்குச் சந்தை செல்வத்தை உருவாக்குவதற்கான சக்திவாய்ந்த வாகனமாக இருக்க முடியும்.