ஆன்லைன் டிரேடிங் கணக்கைத் திறக்கும்போது நாமினியைச் சேர்க்க மறக்காதீர்கள்!

நீங்கள் எதிலாவது இன்வெஸ்ட் செய்யும் போது, அந்த முதலீடு உங்கள் குடும்பத்தினருக்கோ அல்லது சார்ந்திருப்பவர்களுக்கோ போய்ச் சேரும் என்பது இயல்பான ஒன்றுதான். பலரும் தங்கள் குடும்பத்தினரின் எதிர்காலத்தைக் கருத்தில்கொண்டுதான் இதுபோன்ற இன்வெஸ்டிங் செய்கிறார்கள். ஆனால், உங்களது உங்களின் அனைத்து முதலீட்டுப் பத்திரங்களையும் வைத்திருக்கும் ஆன்லைன் டிரேடிங் அக்கவுண்டை ஓபன் செய்யும் போது, நாமினியை சேர்க்க நீங்கள் பெரும்பாலும் மறந்துவிடலாம் அல்லது தாமதப்படுத்தலாம்.

உங்கள் டிரேடிங் அக்கவுண்ட் என்பது டீமேட் அக்கவுண்டுடன் இணைக்கப்பட்டிருக்கும். இந்த டீமேட் அக்கவுண்டில்தான் உங்களது அனைத்து நிதிச் சொத்துக்களும் இருக்கும்; இதன் மூலமாகத்தான் நீங்கள் ஸ்டாக் மார்க்கெட்டில் வாங்குவதும் விற்பதும் செய்ய முடியும். எனவே, உங்கள் டீமேட் அக்கவுண்டின் நாமினிதான் உங்கள் டிரேடிங் அக்கவுண்ட்டிற்கும் நாமினியாக இருப்பார்.

நாமினி என்பவர் யார்?

முதன்மை அக்கவுண்ட் வைத்திருப்பவர் இறந்துவிட்டால், அந்த டிரேடிங் அக்கவுண்டிற்கும், அதில் உள்ள அனைத்து சொத்துக்களுக்கும் அக்கவுண்டில் உள்ள சொத்துகளைப் பெறுவதற்காக சட்டப்படி நியமிக்கப்படும் நபர்தான் நாமினி. அக்கவுண்ட் ஹோடரின் டாக்குமெண்டுகளில் நாமினி பெயர் குறிப்பிடப்படவில்லை என்றால், அவரது குடும்பத்தினர் சொத்துக்களைப் பெற நீண்ட ஆவண நடைமுறைகளை மேற்கொள்ள வேண்டியிருக்கும்.

உங்கள் ஆன்லைன் டிரேடிங் அக்கவுண்ட்டிற்கு உங்களால் முடிந்தவரை சீக்கிரமே ஒரு நாமினியை நியமிக்க வேண்டும். ஏனெனில் பல ப்ரோக்கரேஜ் நிறுவனங்களில் நீங்கள் ஆன்லைன் மூலமாக அக்கவுண்ட் ஓபன் செய்தால், தற்காலிகமாக நாமினி நியமிக்கப்படவில்லை என்று கருதப்படும். நீங்கள் நாமினியைத் தேர்ந்தெடுக்க விரும்பினால், மூன்று பேரின் பெயர்களைச் சேர்க்கலாம் மற்றும் ஒவ்வொருவருக்கும் எவ்வளவு பங்கு உரிமை கிடைக்கும் என்பதையும் தெளிவாகக் குறிப்பிடலாம் என்பதை நினைவில் கொள்ளுங்கள்.

நாமினியை சேர்ப்பது எப்படி?

தங்கள் டிரேடிங் அல்லது டீமேட் அக்கவுண்டிற்கு நாமினியைச் சேர்க்க பல அக்கவுண்ட் ஹோடர்கள் மறந்துவிடுகிறார்கள் அல்லது அதைத் தாமதப்படுத்த விரும்புகிறார்கள் என்பதை ப்ரோக்கரேஜ் நிறுவனங்கள் புரிந்துவருகின்றன. இருப்பினும், உங்கள் குடும்பத்தினரை நாமினியாகச் சேர்க்கும் செயல்முறை மிகவும் எளிமையானதுதான். நேஷனல் செக்யூரிட்டீஸ் டெபாசிட்டரி லிமிடெட் (NSDL) அல்லது சென்ட்ரல் டெபாசிட்டரி செக்யூரிட்டீஸ் லிமிடெட் (CDSL) வகுத்துள்ள விதிமுறைகளை ப்ரோக்கரேஜ் நிறுவனங்கள் பின்பற்ற வேண்டும்.

அக்கவுண்ட் ஹோடர், ப்ரோக்கரேஜ் நிறுவனத்தின் வெப்சைட்டில் கிடைக்கும் நாமினேஷன் பதிவிற்கான ஃபார்மை டவுன்லோடு செய்ய வேண்டும், கேட்கப்பட்டுள்ள அனைத்து விவரங்களையும் பூர்த்தி செய்து கையெழுத்திட வேண்டும். பிறகு, அந்த ஃபார்மின் நகல் எடுத்து ப்ரோக்கருக்கு தபாலில் அனுப்ப வேண்டும்.

சில ப்ரோக்கர்கள் ஆன்லைன் கையெழுத்தை ஏற்றுக்கொள்வார்கள், எனவே அந்த ஃபார்மை அவர்களுக்கு ஈமெயில் மூலமாகவும் அனுப்பி வைக்கலாம். டீமேட் அக்கவுண்டில் நாமினியை மாற்றவோ அல்லது கூடுதல் நாமினிகளைச் சேர்க்கவோ உங்களுக்கு எப்போதுமே உரிமை உண்டு என்பதை நினைவில் கொள்ளுங்கள், அதற்கு நீங்கள் ஒரு நாமினேஷன் ஃபார்மை பூர்த்தி செய்தால் போதும்.

நாமினி நியமிக்கப்படவில்லை என்றால் குடும்பத்தினர் அக்கவுண்டை எவ்வாறு அணுகுவது

அக்கவுண்ட் ஹோடர் இறந்துபோய், தனது டிரேடிங் அக்கவுண்டிற்கு யாரையும் நாமினியாக நியமிக்கவில்லை என்றால், அவரது சட்டப்பூர்வ வாரிசுகள் சில ஆவணங்களைச் சமர்ப்பித்து அக்கவுண்ட்டை அணுகலாம். அந்தச் செயல்முறையைப் பற்றிப் பார்ப்பதற்கு முன், சட்டப்பூர்வ வாரிசுக்கும் நாமினிக்கும் உள்ள வித்தியாசத்தைப் புரிந்துகொள்வது ரொம்ப முக்கியம்.

சட்டத்தின்படி, ஒரு நபர் இறந்த பிறகு அவருடைய சொத்துக்களுக்கு அவரது சட்டப்பூர்வ வாரிசுகள்தான் உரிமையாளர்கள் ஆவர். மறுபுறம், நாமினி என்பது சொத்துக்களைப் பாதுகாப்பாகப் பெற்றுக்கொள்ளும் ஒரு நபர் மட்டுமே.

டீமேட் அக்கவுண்ட்களைப் பொறுத்தவரை டெபாசிட்டரிகள் இறந்த அக்கவுண்ட் ஹோடரின் முழுப் பங்குரிமையையும் நாமினிகளிடமே வழங்குவதால், பெரும்பாலும் இந்த இரண்டும் குழப்பிக் கொள்ளப்படுகின்றன.

அதனால்தான், ஒரு நபரின் சட்டப்பூர்வ வாரிசுகளையே நாமினியாக நியமிப்பதுதான் சிறந்தது என்று கருதப்படுகிறது. இந்த இரண்டும் வெவ்வேறு நபர்களாக இருந்தால், அக்கவுண்ட் ஹோடர் இறந்த பிறகு மோதல்கள் ஏற்படலாம். இப்போது, இறந்த அக்கவுண்ட் ஹோடரின் சொத்துக்களை சட்டப்பூர்வ வாரிசுகள் எப்படிப் பெறலாம் என்பதைப் புரிந்துகொள்வோம்.

ஷேர்களை மாற்றுவதற்குத் தேவையான ஆவணங்கள், அக்கவுண்ட் ஹோடர் வைத்துள்ள செக்யூரிட்டிகளின் மதி இதைப் பொறுத்தது. அதாவது ரூ. 5 லட்சத்திற்கும் குறைவான செக்யூரிட்டிகள் மற்றும் ரூ. 5 லட்சத்திற்கு மேற்பட்டவற்றுக்கான செயல்முறை வெவ்வேறாக இருக்கும். இருப்பினும், எந்த முறைக்கும் அவசியமான இரண்டு ஆவணங்கள் யாதெனில், ப்ரோக்கர் அல்லது டெபாசிட்டரி வெப்சைட்டிலிருந்து பெறப்படும் டிரான்ஸ்மிஷன் ரெக்வெஸ்ட் ஃபார்ம் மற்றும் அக்கவுண்ட் ஹோடரின் நோட்டரி செய்யப்பட்ட இறப்புச் சான்றிதழ் ஆகும். இறப்புச் சான்றிதழை கெஜட்டட் ஆபீசர் மூலமாகவும் சான்றளிக்கலாம்.

நாமினியும் சட்டப்பூர்வ வாரிசும் ஒருவரே என்றால், அவர்கள் டிரான்ஸ்மிஷன் ஃபார்ம், டெபாசிட்டரி வழங்கிய நாமினியின் டீமேட் அக்கவுண்டின் கிளைண்ட் மாஸ்டர் ரிப்போர்ட் மற்றும் நோட்டரி செய்யப்பட்ட இறப்புச் சான்றிதழ் ஆகியவற்றை மட்டும் சப்மிட் செய்தால் போதும்.

ரூ. 5 லட்சத்திற்கு கீழ்:

ரூ. 5 லட்சத்திற்கும் குறைவான மதிப்புள்ள செக்யூரிட்டிகளுக்கு, சட்டப்பூர்வ வாரிசுகள் ஒரு அஃபிடவிட், இழப்பீட்டு உறுதிமொழிக் கடிதம் மற்றும் குடும்பப் பங்கீட்டு ஒப்பந்தம் ஆகியவற்றைச் சமர்ப்பிக்க வேண்டும். சூழ்நிலைக்கு ஏற்ப இவற்றில் ஒன்று அல்லது அதற்கு மேற்பட்ட ஆவணங்கள் தேவைப்படலாம். ஷேர்களை மாற்ற ஒரு சட்டப்பூர்வ வாரிசு மட்டுமே விண்ணப்பித்தால், மற்றவர்கள் அனைவரும் தடையில்லாச் சான்றிதழ் வழங்க வேண்டும்.

ரூ. 5 லட்சத்திற்கு மேல்:

இப்போது, இறந்தவரின் ஷேர் மதிப்பு ரூ. 5 லட்சத்திற்கு மேல் இருந்தால், நிர்வாக உரிமைக் கடிதம், வாரிசுச் சான்றிதழ் (கோர்ட்டால் வழங்கப்படுகிறது, இதைப் பெற சிறிது காலம் ஆகும்) மற்றும் உயில் நகல் ஆகியவை தேவைப்படலாம்.

நாமினி ஒரு டீமேட் அக்கவுண்டை வைத்திருக்க வேண்டும். ஜாயிண்ட் அக்கவுண்டாக இருந்தால், நாமினியும் உயிர்வாழும் ஹோடராக இருந்தால், அவர்கள் புதிய டீமேட் அக்கவுண்ட் ஓபன் செய்ய வேண்டும். ஒருவேளை நாமினியிடம் அக்கவுண்ட் இல்லை என்றால், ஷேர்களைப் பெற டெபாசிட்டரி மூலம் புதிதாக ஒன்றை உருவாக்க வேண்டும்.

முடிவுரை

உங்கள் சட்டப்பூர்வ வாரிசுகளை அல்லது நீங்கள் நாமினியாகச் சேர்க்க விரும்பும் பிற நபர்களை சரியான நேரத்தில் பதிவு செய்வது மிகவும் முக்கியமானது. இது பல சுற்றுகள் கோர்ட் அலைச்சலையும், தாமதத்தையும் தவிர்க்க உதவும். மேலும், உங்கள் நாமினிகளைத் தெளிவாகக் குறிப்பிட்டு உங்கள் ப்ரோக்கரேஜ் நிறுவனத்தில் பதிவு செய்வது, வாரிசுகளுக்கு இடையே அல்லது நிதிச் சொத்துக்களில் பங்கு உள்ளவர்களுக்கு இடையே மோதல்கள் ஏற்படுவதைத் தவிர்த்து, ஷேர் டிரான்ஸ்ஃபர் செய்யும் செயல்முறையை எளிதாக்கும்.

ஈக்விட்டிகள், டெரிவேடிவ்கள், மியூச்சுவல் ஃபண்டுகள், கமாடிட்டிகள் மற்றும் கரன்சிகள் போன்ற பல்வேறு அசெட் கிளாஸ்களில் டிரேடு செய்ய டிரேடிங் அக்கவுண்ட் அவசியமானது. ஏஞ்சல் ஒன் மூலம் உங்கள் பான், ஆதார் மற்றும் பேங்க் விவரங்களைப் பயன்படுத்தி சில நிமிடங்களில் ஆன்லைனில் டிரேடிங் அக்கவுண்ட் ஓபன் செய்யலாம். 30 ஆண்டுகளுக்கும் மேலான மார்க்கெட் நிபுணத்துவத்துடன், எங்கள் பிளாட்ஃபார்ம் சிறந்த எக்ஸிகியூஷன், ரிசர்ச் அறிக்கைகள், ரியல்-டைம் மார்க்கெட் டேட்டா மற்றும் வாடிக்கையாளர் சப்போர்ட் ஆகியவற்றை வழங்குகிறது. ஐபிஓ, இன்டராடாய் டிரேடுகள், டெலிவரி இன்வெஸ்டிங் மற்றும் பலவற்றை ஒரே சக்திவாய்ந்த டிரேடிங் அக்கவுண்ட் மூலம் அணுகலாம்.