பங்குச்சந்தையில் ஒரு தொழிலை உருவாக்குவது எப்படி?

இந்தியாவின் வர்த்தக மற்றும் முதலீட்டு சூழல் தொடர்ந்து விரிவடைந்து வருவதால், நிதி, ஆலோசனை சேவைகள், ஆராய்ச்சி மற்றும் சந்தை செயல்பாடுகளில் ஆர்வமுள்ளவர்களுக்கு பங்குச்சந்தை ஒரு தொழில் விருப்பமாக உருவெடுத்துள்ளது.

சொத்து மேலாண்மை நிறுவனங்கள், பங்குச்சந்தைகள், தரகு நிறுவனங்கள், முதலீட்டு நிறுவனங்கள் மற்றும் பிற நிதி நிறுவனங்களில் உள்ள பணிகளுக்கான திறன்களை வளர்ப்பது, பல்வேறு வேலைவாய்ப்புகளுக்கு வழிவகுக்கிறது. மேலும், வேலை வாய்ப்புகள், தொழில் கட்டமைப்பு மற்றும் தேவையான திறன்கள் பற்றி முன்கூட்டியே அறிந்திருப்பது, ஒருவர் தனது தொழில் இலக்குகளை விரைவாக அடைய உதவும்.

முக்கிய குறிப்புகள்

ஆலோசனை சேவைகள், சந்தை செயல்பாடுகள், முதலீட்டு வங்கி, இடைத்தரகர்கள், பங்கு ஆராய்ச்சி மற்றும் போர்ட்ஃபோலியோ ஆகியவை பங்குச்சந்தை மற்றும் நிதித்துறையில் உள்ள முக்கியப் பிரிவுகள் மற்றும் தொழில்கள் இவைதாம்.

நிதித்துறையில் பணிபுரியும் பல முக்கிய பணிகளுக்கு வலுவான நிதி அறிவு அடிப்படையாகத் தேவைப்படுகிறது. மேலும், துறை சார்ந்த விதிமுறைகளின்படி சில பணிகளுக்கு சட்டப்பூர்வமான என்ஐஎஸ்எம் சான்றிதழ்களும், செபி பதிவுகளும் கட்டாயமாக்கப்பட்டுள்ளன.

நீண்ட கால வளர்ச்சிக்கும், ஒரு நிறுவனத்தின் வெற்றிகரமான வணிக இயக்கத்திற்கும் நிதி அறிக்கைகள், சந்தை நடத்தை, ரிஸ்க் மேனேஜ்மென்ட் மற்றும் விதிமுறை இணக்கம் ஆகியவை மிகவும் அவசியமானவை.

தயாரிப்புகள், விதிமுறைகள் மற்றும் சந்தை நடைமுறைகள் தொடர்ந்து மாறிவருவதால், தொடர்ச்சியான கற்றல் என்பது தனிநபர்களுக்கும், நிறுவனங்களுக்கும் நீண்ட கால வெற்றிக்கு மிக அவசியமான ஒன்றாகும்.

இந்தியாவில் பங்குச்சந்தையில் உள்ள தொழில்கள் யாவை?

பங்குச்சந்தையில் நீங்கள் தேர்வு செய்யக்கூடிய பல்வேறு தொழில் வாய்ப்புகள் உள்ளன. உதாரணமாக பங்கு ஆராய்ச்சி, போர்ட்ஃபோலியோ மேனேஜ்மென்ட், முதலீட்டு வங்கி மற்றும் பங்கு வர்த்தகம் போன்ற துறைகள் அனைத்தும் தனிநபர்களுக்கும், நிறுவனங்களுக்கும் நிதி ரீதியாக வழிகாட்டவும், அவர்களின் மூலதனத்தை திறம்பட நிர்வகிக்கவும் பெரிதும் உதவுகின்றன.

• சொத்துக்களைப் பெருக்கி, எதிர்காலத் தேவைகளுக்கு ஏற்ப நிர்வகிக்க உதவுகிறது.
• தகவலறிந்த சரியான முதலீட்டு முடிவுகளை எடுக்க வழிகாட்டுகிறது.
• மூலதனச் சந்தைகளில் எவ்விதத் தடையுமின்றி எளிதாகச் செயல்பட நிபுணர்களின் உதவி அவசியமானது.

பங்குச்சந்தையில் ஒரு தொழிலை உருவாக்க, நீங்கள் நிதி தொடர்பான பல்வேறு சான்றிதழ்கள் மற்றும் பட்டங்களைப் பெற்றிருக்க வேண்டும். அவற்றில் சில சிஎஃப்ஏ திட்டம், பிபிஏ மற்றும் எம்பிஏ ஆகியவை அடங்கும்.

வாடிக்கையாளர்கள் சார்பாகப் பங்குகளை வாங்குவதற்கும் விற்பதற்கும் செபி-யில் பதிவுசெய்யப்பட்ட பங்குத் தரகர்களுக்கு சட்டப்பூர்வ அதிகாரம் உண்டு. மேலும், முதலீட்டாளர்களுக்கும் பங்குச்சந்தைகளுக்கும் இடையே பாலமாகச் செயல்பட்டு வர்த்தகத்தை எளிதாக்குகின்றனர். நிறுவனங்களின் நிதி அறிக்கைகள் மற்றும் சந்தை நிலவரங்களை ஆழமாகப் பகுப்பாய்வு செய்கின்றனர். அந்தத் தரவுகளின் அடிப்படையில் ஆராய்ச்சி நுண்ணறிவுகளை உருவக்கி, வாடிக்கையாளர்களுக்குச் சரியான பங்குகளை வாங்குவது அல்லது விற்பது குறித்த பரிந்துரைகளை வழங்குகின்றனர்.

ஒரு முதலீட்டு வங்கியாளராக, நிறுவனங்களுக்கு இணைப்பு மற்றும் கையகப்படுத்துதல் மற்றும் ஐபிஓ மூலம் நிதியைத் திரட்ட வழிகாட்டுவார்கள். நீங்கள் ஒரு முதலீட்டுத் தொகுப்பு மேலாளராக (போர்ட்ஃபோலியோ மேனேஜர்) மாறும்போது, வாடிக்கையாளர்களின் இலக்குகளுக்கு ஏற்ப அவர்களின் முதலீடுகளை மேற்பார்வையிட்டு நிர்வகிப்பார்கள்.

பங்குச்சந்தையில் உள்ள வேலை வாய்ப்புகள் யாவை?

பங்குச்சந்தையில் ஆராய்ச்சி, வர்த்தகம், ஆலோசனை, செயல்பாடுகள், இணக்கம் மற்றும் வாடிக்கையாளர் சேவை உள்ளிட்ட பல்வேறு துறைகளில் வேலை வாய்ப்புகளை வழங்குகிறது. சில வல்லுநர்கள் சந்தை பகுப்பாய்வு, ரிஸ்க் மேனேஜ்மென்ட் அல்லது வர்த்தகச் செயலாக்கம் போன்ற தனித்தனிப் பிரிவுகளில் கவனம் செலுத்துகின்றனர். மேலும், தரகர்கள், பங்குச்சந்தைகள், சொத்து மேலாண்மை நிறுவனங்கள் மற்றும் முதலீட்டு நிறுவனங்களுடன் இணைந்து பணியாற்றுகின்றனர். பணி நிலையைப் பொறுத்து, பகுப்பாய்வுத் திறன்கள், நிதி அறிவைப் புரிந்துகொள்ளும் திறன் மற்றும் செபி பதிவு அல்லது என்ஐஎஸ்எம் சான்றிதழ்கள் போன்ற சட்டப்பூர்வ தகுதிகள் அவசியமாகின்றன.

பங்குச்சந்தையில் பல்வேறு வேலைகள் உள்ளன, அவை:

• பங்கு ஆராய்ச்சி ஆய்வாளர்: பட்டியலிடப்பட்ட வணிகங்களை ஆழமாக ஆய்வு செய்கிறது, நிதி அறிக்கைகளைக் கண்காணிக்கிறது மற்றும் நிறுவனங்கள் மற்றும் முதலீட்டாளர்கள் சரியான முதலீட்டு முடிவுகளை எடுப்பதற்காக, பங்குகள் குறித்த மதிப்பீடுகள் மற்றும் பரிந்துரைகள் அடங்கிய விரிவான ஆராய்ச்சி அறிக்கைகளை உருவாக்குகிறது.
• வர்த்தகர்: சந்தை உத்தி, ரிஸ்க் மேனேஜ்மென்ட் மற்றும் விலை மாற்றங்களைப் பயன்படுத்தி பணச் சந்தை மற்றும் வழித்தோன்றல்கள் சந்தையில் சொத்துக்களை வாங்கவும் விற்கவும் செய்கிறது.
• முதலீட்டு வங்கியாளர்கள்: நிதி திரட்டுதல், இணைப்புகள், கையகப்படுத்துதல்கள், ஐபிஓ-கள் மற்றும் பிற பெருநிறுவனங்களுக்கு நிதிப் பணிகளைக் கையாளுகிறார்கள்.
• முதலீட்டுத் தொகுப்பு மேலாளர் (போர்ட்ஃபோலியோ மேனேஜர்): நிறுவனம் அல்லது வாடிக்கையாளரின் முதலீட்டுத் தொகுப்புகளை கண்காணித்து நிர்வகிக்கின்றனர். மேலும், ரிஸ்க் மேனேஜ்மென்ட் மற்றும் முதலீட்டு இலக்குகளில் முதலீட்டுத் தொகையை எங்கு, எப்படிப் பிரிக்க வேண்டும் என்பதைத் தீர்மானிக்கின்றனர்.
• ஆராய்ச்சி உதவியாளர்: தகவல்களைச் சேகரித்தல், மாதிரிகளை உருவாக்குதல் மற்றும் வணிக மற்றும் சந்தை வளர்ச்சிகளைக் கண்காணிப்பதன் மூலம் ஆய்வாளர்களுக்கு தேவையான உதவிகளை வழங்குகிறது.
• ரிஸ்க் மேனேஜர்: சந்தை அபாயங்கள், கடன் அபாயங்கள் மற்றும் செயல்பாட்டு அபாயங்கள் ஆகியவற்றை கண்காணிப்பதன் மூலம் இழப்புகளைக் கட்டுப்படுத்தவும், கொள்கைகள் மற்றும் சட்டதிட்டங்களுக்கு இணங்கவும் நிறுவனங்களுக்கு உதவுகிறது.
• காம்ப்ளியன்ஸ் ஆபீசர்: நிறுவனத்தின் செயல்பாடுகள் அனைத்தும் நிறுவனத்தால் உருவாக்கப்பட்ட உள் கட்டுப்பாடுகள், சந்தை விதிகள் மற்றும் செபி சட்டங்களுக்கு கட்டுப்படுவதை உறுதி செய்கிறது.
• உறவுகள் மேலாளர்/வாடிக்கையாளர் சேவை நிர்வாகி: தயாரிப்புகள், சந்தை மேம்படுத்தல்கள் மற்றும் கணக்கு தொடர்பான கேள்விகள் குறித்த தகவல்களை வாடிக்கையாளர்களுக்கு வழங்குகிறது.

கல்வி மற்றும் தகுதிகள்

புதிதாக வேலை தேடுபவர்களுக்கு, தகுதி அளவுகோல்களைச் சரிபார்ப்பது அவசியமாகும். பல வர்த்தகர்கள் தாங்களாகவே கற்றுக் கொண்டாலும், முறையான படிப்புகள் தொழில்முறைத் தரத்தை மேம்படுத்துகிறது. பங்குச் சந்தை மற்றும் நிதித்துறையில் ஒரு வலுவான மற்றும் முறையான பாதையை உருவாக்க விரும்பும் மாணவர்களுக்கு இது மிகச் சரியான மற்றும் நடைமுறைக்கு உகந்த வழிகாட்டுதலாகும். வர்த்தகத் துறையில் உள்ள வேலைகளைப் பற்றிய விரிவான புரிதல்களைப் பெற, 12-ஆம் வகுப்புக்குப் பிறகு வணிகம் அல்லது நிதி சார்ந்த படிப்புகளைத் தேர்ந்தெடுப்பது சிறந்தது. சிஎஃப்ஏ, முதுகலை நிதி, எஃப்ஆர்எம் மற்றும் என்ஐஎஸ்எம் சான்றிதழ்கள் ஆகியவையும் சில பிரபலமான படிப்புகளாகும்.

சான்றளிக்கப்பட்ட நிதி ஆய்வாளர் (சிஎஃப்ஏ)

சிஎஃப்ஏ நிறுவனம் சர்வதேச அளவில் அங்கீகரிக்கப்பட்ட சிஎஃப்ஏ பாடத்திட்டத்தை வழங்குகிறது, இது நிதி அறிக்கை, நெறிமுறைகள், போர்ட்ஃபோலியோ மேலாண்மை மற்றும் முதலீட்டு பகுப்பாய்வு ஆகியவற்றில் கவனம் செலுத்துகிறது. முதலீட்டு பகுப்பாய்வு, போர்ட்ஃபோலியோ மேலாண்மை மற்றும் பங்கு ஆராய்ச்சி போன்ற துறைகளில் பணிபுரிவோருக்கு இது மிகவும் பயனுள்ளது. சிஎஃப்ஏ சாசனத்தைப் பெற, விண்ணப்பதாரர்கள் அனைத்து மூன்று நிலைத் தேர்வுகளிலும் தேர்ச்சி பெற வேண்டும், இளங்கலை பட்டம் பெற்றிருக்க வேண்டும் மற்றும் குறைந்தது 4,000 மணிநேர தொடர்புடைய தொழில்முறை பணி அனுபவத்தைப் பெற்றிருக்க வேண்டும். தேர்வுகள் மற்றும் அனுபவம் இரண்டையும் பூர்த்தி செய்த பிறக்கே சிஎஃப்ஏ சாசனம் வழங்கப்படுகிறது.

பைனான்சியல் ரிஸ்க் மேனேஜர் (எஃப்ஆர்எம்)

ஜிஏஆர்பி மூலமாக இந்த எஃப்ஆர்எம் சான்றிதழ் வழங்கப்படுகிறது. வங்கிகள், என்பிஎஃப்சி-கள், சொத்து மேலாண்மை நிறுவனங்கள் மற்றும் பிற நிதி நிறுவனங்களில் உள்ள ரிஸ்க் மேனேஜ்மென்ட் பிரிவுகளுக்கு இது மிகவும் அவசியமானது. எஃப்ஆர்எம் தேர்வுகளில் தேர்ச்சி பெறுவதோடு, ஜிஏஆர்பி நிர்ணயித்த தொடர்புடைய பணி அனுபவம் போன்ற தகுதித் தரநிலைகளையும் விண்ணப்பதாரர்கள் பூர்த்தி செய்ய வேண்டும்.

முதுகலை நிதி

நீங்கள் முதுகலை நிதி அல்லது எம்பிஏ நிதிப் படிப்பைத் தேர்வு செய்யலாம்; இந்த படிப்பு நிதிச் சந்தையின் ஒவ்வொரு அம்சத்தையும் பற்றி உங்களுக்குக் கற்பிக்கிறது மற்றும் நிதி சார்ந்த சிக்கல்களைப் புரிந்துகொண்டு தீர்வு காணும் திறனை வளர்க்க இந்த மேற்படிப்புகள் வலுவான அடிப்படையை உருவாக்குகின்றன, மேலும் நிதிப் பிரிவுகள் போன்ற பல துறைகளில் சிறந்த வேலை வாய்ப்புகளைப் பெற இவை பெரிதும் உதவுகின்றன.

தேசியப் பங்குச்சந்தை நிறுவனம் (என்ஐஎஸ்எம்)

பங்குச் சந்தையில் பணியாற்றும் நிபுணர்களுக்குக் குறைந்த செலவில் தரமான சான்றிதழ் திட்டங்களை வழங்குவது இதன் முக்கிய நோக்கமாகும். செபி விதிமுறைகளின்படி, குறிப்பிட்ட பணிகளில் உள்ளவர்கள் அந்தந்த என்ஐஎஸ்எம் சான்றிதழ்களைப் பெறுவது சட்டப்பூர்வமாகக் கட்டாயமாக்கப்பட்டுள்ளது. செபி விதிமுறைகளின்படி, ஆராய்ச்சி ஆய்வாளர்கள் என்ஐஎஸ்எம்-சீரிஸ்-எக்ஸ்வி சான்றிதழை பெற்றிருக்க வேண்டும். முதலீட்டு ஆலோசகர்கள், என்ஐஎஸ்எம்-சீரிஸ்-எக்ஸ்-ஏ (நிலை 1) மற்றும் என்ஐஎஸ்எம்-சீரிஸ்-எக்ஸ்-பி (நிலை 2) சான்றிதழ்களில் தேர்ச்சி பெற வேண்டும்.

இதையும் வாசிக்கவும்: பங்குச்சந்தையில் பல்வேறு வகையான வர்த்தகம்

இந்தியாவில் பங்கு வர்த்தகத்தை ஒரு தொழிலாகத் தேர்ந்தெடுப்பது ஆபத்தானதா?

ஒரு நாணயத்திற்கு எப்படி இரண்டு பக்கங்கள் உள்ளதோ, அதேபோலவே பங்குச்சந்தைகளுக்கும் இரண்டு பக்கங்கள் உண்டு. அதாவது, பங்குச் சந்தையில் லாபம் ஈட்டுவதற்கான வாய்ப்புகள் எவ்வளவு அதிகமாக இருக்கிறதோ, அதே அளவுக்கு இழப்பு ஏற்படும் அபாயமும் உள்ளது. மனித உணர்ச்சிகளைக் கட்டுப்படுத்துவது வர்த்தகத்தில் வெற்றி பெற மிக அவசியமானது. சரியான இடர் மேலாண்மை மற்றும் வர்த்தக விதிகளைத் தொடர்ந்து பின்பற்றுவது நீண்ட கால வெற்றிக்கு வழிவகுக்கும்.

இதற்காக, என்ஐஎஸ்எம் போன்ற அங்கீகரிக்கப்பட்ட நிறுவனங்கள் மூலம் சான்றிதழ்களைப் பெறுவது, சந்தையின் அடிப்படைகள் மற்றும் தொழில்நுட்பப் பகுப்பாய்வு பற்றிய ஆழமான புரிதலைப் பெற வேண்டும். ஒரே இரவில் பெரிய முதலீடுகளைச் செய்யாமல், படிப்படியாகச் சந்தையில் இறங்குவது நடைமுறை அனுபவத்தைப் பெற உதவுகிறது. இது சந்தையைப் பற்றி மேலும் கற்றுக்கொள்ளவும், நுண்ணறிவுகளைப் பெறவும், அதே நேரத்தில் இழப்புகளைக் குறைக்கவும் உதவுகிறது.

இருப்பினும், நீங்கள் உணர்ச்சிகரமான முடிவுகளை எடுத்தால், போதிய ஆராய்ச்சி செய்யவில்லை என்றால், மற்றும் குறிப்புகளின் அடிப்படையில் வர்த்தகம் செய்தால், இது கடுமையான இழப்புகளுக்கு வழிவகுக்கும்.

இதையும் வாசிக்கவும்: பங்குச்சந்தை எவ்வாறு செயல்படுகிறது?

வெற்றிகரமான வர்த்தகராக மாற உங்களுக்கு என்ன தேவை?

நீங்கள் உங்களுக்காகப் பணிபுரியவும், பங்குச்சந்தை முதலீட்டாளராக ஒரு வெற்றிகரமான தொழிலை உருவாக்கவும் விரும்பினால், இங்கே சில குறிப்புகள் வழங்கப்பட்டுள்ளன, அவை:

• தெளிவான, நேர்மையான வர்த்தகத் திட்டத்தை உருவாக்குங்கள். வர்த்தகத் திட்டத்தின் நோக்கங்கள் தெளிவாக வரையறுக்கப்பட வேண்டும், மேலும் உங்களது இலக்குகள் மற்றும் இடர் சகிப்புத்தன்மைக்கு ஏற்ப தெளிவான திட்டத்தை உருவாக்க வேண்டும்.
• வர்த்தகத் தளங்கள் மற்றும் உத்திகளைச் சரியாகப் புரிந்து கொண்டு நடைமுறைப்படுத்துதல்.
• உத்திகளைத் தொடர்ந்து சோதித்து, மன உறுதியுடனும் பொறுமையுடனும் செயல்படுதல்.
• சமீபத்திய சார்பு, பழிவாங்கும் வர்த்தகம் மற்றும் அதிக தன்னம்பிக்கை போன்ற உளவியல் ஆபத்துகளைத் தவிர்த்தல்.
• உங்களுக்கென பிரத்யேக வர்த்தக விதிகளை வகுத்துக்கொண்டு அதன்படி நடத்தல்.
• பங்குச் சந்தையைத் தீவிரமான தொழிலாகக் கருதுவதும், வரக்கூடிய இழப்புகளைச் சமாளிக்கத் தயாராக இருப்பதும் நீண்ட கால வெற்றியை நிர்ணயிக்கும்.

முடிவுரை

நிதி, சந்தைகள் மற்றும் விதிமுறைகள் பற்றிய வலுவான புரிதலும், அதற்கேற்ற திறன்களும் இந்தத் துறைக்கு அடிப்படையாகும். வர்த்தகம், ஆராய்ச்சி, ஆலோசனை, இணக்கம் மற்றும் முதலீட்டுத் தொகுப்பு மேலாண்மை என ஒவ்வொரு துறைக்கும் தனித்தனி எதிர்பார்ப்புகளும் கற்றல் முறைகளும் உண்டு. ஆர்வமுள்ள தொழில் வல்லுநர்கள் தொடர்ச்சியான கல்வி, முறையான சான்றிதழ்கள் மற்றும் செபி விதிமுறைகள் பற்றிய தெளிவு ஆகியவை பங்குச் சந்தையில் ஒரு சிறப்பான, அறிவுசார்ந்த மற்றும் ஒழுங்கமைக்கப்பட்ட தொழிலை உருவாக்க வழிவகுக்கும்.

முதலீடு செய்ய வேண்டுமா? ஏஞ்சல் ஒன்-உடன் டீமேட் கணக்கைத் தொடங்குங்கள் மற்றும் தடையின்றி வர்த்தகத்தைத் தொடங்குங்கள்.