டிஜிலாக்கர் என்றால் என்ன, அதை எப்படி பயன்படுத்துவது?

டிஜிலாக்கர் என்பது நமது டிஜிட்டல் ஆவணங்களைப் பாதுகாப்பாகச் சேமித்து வைக்கவும், பயன்படுத்தவும் உதவும் இந்திய அரசின் ஒரு முக்கிய டிஜிட்டல் பிளாட்ஃபார்ம் ஆகும். இது முக்கியமான ஆவணங்களை ஹார்ட் காபிஸாக அதாவது காகித வடிவில் பராமரிக்கும் சிரமத்தைக் குறைக்கிறது. இன்றைய டிஜிட்டல் உலகில், ஆவணங்களைக் காகித வடிவில் மட்டும் வைத்திருப்பது பழைய முறையாகிவிட்டது. டிரைவிங் லைசென்ஸ், ஆதார் அட்டை மற்றும் கல்விச் சான்றிதழ்கள் போன்றவற்றை டிஜிலாக்கரில் எளிதாகச் சேமித்து, அப்லோடு செய்து நிர்வகிக்க முடியும். இந்த பதிவில் டிஜிலாக்கரின் பயன்பாடுகள் மற்றும் அதன் முக்கிய அம்சங்களைப் பற்றி விரிவாகப் பார்ப்போம்.

டிஜிலாக்கர் பற்றிய புரிதல்:

டிஜிலாக்கர் என்பது காகித வடிவ ஆவணங்களுக்கு மாற்றாக, டிஜிட்டல் முறையில் ஆவணங்களைச் சேமித்து வைக்கவும், பகிரவும் உதவும் ஒரு ஆன்லைன் போர்ட்டல் ஆகும். இதன் மூலம் மக்கள் தங்கள் ஆதார் கார்டு, டிரைவிங் லைசென்ஸ் மற்றும் கல்விச் சான்றிதழ்களை பாதுகாப்பாக ஆன்லைனில் சேமிக்கலாம். மேலும், இதில் ஆவணங்களை டிஜிட்டல் முறையில் சைன் செய்து நேரடியாக அரசு நிறுவனங்களுக்கும் ஷேர் செய்ய முடியும்.

டிஜிலாக்கரின் முக்கிய அம்சங்கள்:

டிஜிலாக்கர் பயனர்கள் தங்கள் டேட்டாவை எளிதாகச் சேமிக்கவும், ஷேர் செய்யவும் பல சிறந்த வசதிகளை வழங்குகிறது. அதன் முக்கிய அம்சங்களைப் பற்றிப் பார்ப்போம்:

முக்கியமான ஆவணங்களை சேமித்தல் மற்றும் அணுகுதல்

பல்வேறு சாதனங்கள் மூலம் உங்களது முக்கியமான தகவல்களை சேமிக்கவும், எப்போது வேண்டுமானாலும் அணுகவும் டிஜிலாக்கர் உதவுகிறது. டிரைவிங் லைசென்ஸ், ஆதார் கார்டு, கல்விச் சான்றிதழ்கள் போன்ற ஆவணங்களை இதில் பாதுகாப்பாகச் சேமித்து வைக்கலாம். இதன் மூலம் உங்களது அசல் காகித ஆவணங்கள் தொலைந்துவிடும் என்ற கவலை இனி இருக்காது.

ஆவணங்களில் டிஜிட்டல் சைன் செய்தல்

டிஜிலாக்கர் மூலம் உங்களது ஆவணங்களில் டிஜிட்டல் முறையில் சைன் செய்ய முடியும். இதன் மூலம் உங்களது ஆவணங்கள் உண்மையானவை மற்றும் மாற்றப்படாதவை என்பதை உறுதிப்படுத்திக் கொள்ள முடியும். இந்த ஆவணங்களை எந்தவொரு அரசு அல்லது தனியார் நிறுவனங்களிலும் அதிகாரப்பூர்வ சான்றாகப் பயன்படுத்தலாம்.

அரசு நிறுவனங்களுடன் ஆவணங்களை பகிர்வது

அரசுத் துறைகளுடன் உங்களது ஆவணங்களைப் பகிர்வது டிஜிலாக்கர் மூலம் மிகவும் எளிதானது. சம்பந்தப்பட்ட அதிகாரிகளுக்கு உங்களது டிஜிலாக்கர் கணக்கிலிருந்து நேரடியாகவே டிஜிட்டல் முறையில் சைன் செய்யப்பட்ட ஆவணங்களை அனுப்ப முடியும். இதனால் நேர மிச்சமாவதுடன், அசல் காகித நகல்களை நேரில் எடுத்துச் செல்லும் சிரமமும் குறைகிறது.

டிஜிலாக்கர் கணக்கை உருவாக்குவது எப்படி?

டிஜிலாக்கர் கணக்கை உருவாக்கப் பின்வரும் எளிய வழிமுறைகளைப் பின்பற்றவும்:

1. டிஜிலாக்கரின் அதிகாரப்பூர்வ இணையதளத்திற்குச் செல்லவும் அல்லது கூகுள் பிளே ஸ்டோர் / ஆப்பிள் ஆப் ஸ்டோரிலிருந்து அதன் ஆப்-பை டவுன்லோட் செய்துகொள்ளவும்.
2. ‘சைன் அப்’ அல்லது ‘ரெஜிஸ்டர்’ என்ற லிங்கை கிளிக் செய்து புதிய கணக்கு தொடங்கும் பக்கத்திற்குச் செல்லவும்.
3. உங்களது மொபைல் நம்பர் கொடுத்து, ‘ஜென்ரேட் ஓடிபி’ பட்டனை அழுத்தவும்.
4. உங்களது மொபைல் நம்பருக்கு ஒரு ஓடிபி வரும். அந்த ஓடிபியை உரிய கட்டத்தில் டைப் செய்யவும்.
5. டிஜிலாக்கர் கணக்கிற்கு தேவையான யூசர் நேம் மற்றும் பாஸ்வேர்ட் கொடுத்து, எல்லாம் சரியாக உள்ளதா என உறுதிப்படுத்தவும்.
6. வெற்றிகரமாக ரெஜிஸ்டர் செய்து யூசர் நேம் மற்றும் பாஸ்வேர்ட் உருவாக்கிய பிறகு, உங்களது டிஜிலாக்கர் கணக்கில் லாகின் செய்யலாம்.

கணக்கை உருவாக்கிய பிறகு, உங்களது தனிப்பட்ட ஆவணங்களை டிஜிலாக்கரில் சேர்த்து நிர்வகிக்கலாம். மேலும் பல சேவைகள் மற்றும் அதிகாரப்பூர்வ ஆவணங்களைப் பெற உங்களது அடையாள அட்டையை டிஜிலாக்கருடன் இணைக்கலாம். டிஜிலாக்கர் பயனர்கள் தங்களது ஆவணங்களை எளிதாக அப்லோடு செய்து பாதுகாப்பாக வைத்திருக்க இது அனுமதிக்கிறது.

ஆவணங்களை நிர்வகிக்க கீழ்வரும் வழிமுறைகளைப் பின்பற்றுங்கள்:

1. டிஜிட்டல் பிரதிகளை ஸ்கேன் செய்தல் அல்லது அப்லோடு செய்தல்

   உங்களிடம் ஆவணங்கள் காகித வடிவில் இருந்தால் அவற்றை ஸ்கேன் செய்யலாம் அல்லது ஏற்கனவே கம்ப்யூட்டரில் இருந்தால் நேரடியாக அப்லோடு செய்யலாம். நீங்கள் பதிவேற்றும் ஆவணங்கள் பிடிஎஃப் அல்லது ஜேபிஇஜி போன்ற சப்போர்ட் செய்யும் பார்மட்டில் இருப்பதை உறுதிப்படுத்திக் கொள்ளவும்.

2. ஆவணங்களை வகைப்படுத்துதல் மற்றும் ஒழுங்குபடுத்துதல்

   டிஜிலாக்கரில் சேமித்து வைத்திருக்கும் ஆவணங்களை எளிதாக தேட, அவற்றை தனித்தனி பிரிவுகளாகப் பிரிக்கலாம். ஒரே மாதிரியான ஆவணங்களை தனி ஃபோல்டர்களில் சேமித்து வைப்பது நல்லது. இது உங்களது ஆவணங்களை எந்தவிதச் சிரமமும் இல்லாமல் எளிதாக அணுக உதவுகிறது.

3. சரியான பெயரிடுதல் மற்றும் விவரங்களை அளித்தல்

   ஆவணங்களை அப்லோடு செய்யும் போது அவற்றுக்கு சரியான பெயர்களையும், விளக்கங்களையும் வழங்குவது மிகவும் முக்கியம். இது ஒவ்வொரு ஆவணமும் என்ன என்பதை எளிதில் அடையாளம் காண உதவும். பொதுவான பெயர்களைத் தவிர்த்து, குறிப்பிட்ட தனித்துவமான பெயர்களைப் பயன்படுத்தவும்.

4. சேர்ச் மற்றும் ஃபில்டர் செயல்பாடுகளைப் பயன்படுத்துதல்

   டிஜிலாக்கரில் சேர்ச் மற்றும் ஃபில்டர் வசதிகள் உள்ளன, இது ஆவணங்களை உடனடியாக கண்டுபிடிக்க உதவும். கீவேர்டுகள் அல்லது ஃபில்டர் ஆப்ஷன்களைப் பயன்படுத்தி தேவையான ஆவணங்களை நொடியில் கண்டுபிடிக்கலாம்.

5. ஆவணங்களை அப்டேட் மற்றும் பேக்கப் செய்தல்

   உங்களது அசல் ஆவணங்களில் ஏதேனும் மாற்றம் அல்லது திருத்தங்கள் செய்தால், அதற்கு ஏற்ப உங்களது டிஜிலாக்கர் கணக்கிலும் அந்த ஆவணங்களை உடனுக்குடன் புதுப்பிப்பது அவசியமாகும். மேலும், எதிர்பாராத டேட்டா இழப்பைத் தவிர்க்க, உங்களது முக்கிய ஆவணங்களின் கூடுதல் காப்பிகளை பேக் கப் எடுத்து வைத்துக் கொள்ளவும் அறிவுறுத்தப்படுகிறது.

6. ஆவணங்களை பாதுகாப்பாக பகிர்வது

   சம்பந்தப்பட்ட ஏஜென்சிகள் அல்லது நிறுவனங்களுடன் பாதுகாப்பாக பகிர்வதற்காக உங்களது ஆவணங்களை டிஜிலாக்கரில் அப்லோடு செய்யலாம். ஆவணங்களை ஷேர் செய்யும் போது, அவற்றை யார் பார்க்க முடியும் என்பதை நிர்ணயிக்க சரியான பிரைவசி செட்டிங்ஸை அமைக்கவும். டிஜிலாக்கர் மூலம் தனிநபர்கள் தங்கள் சொந்த பைல்களை எளிமையாகவும் பாதுகாப்பாகவும் நிர்வகிக்க முடியும்.

டிஜிலாக்கரில் டேட்டா பாதுகாப்பை உறுதி செய்தல்

பயனர்களின் டேட்டா பாதுகாப்பிற்கு டிஜிலாக்கர் அதிக முன்னுரிமை அளிக்கிறது:

1. என்கிரிப்ஷன்

   டிஜிலாக்கரின் என்கிரிப்ஷன் வசதி மூலம் பயனரின் விவரங்களை அங்கீகரிக்கப்பட்ட நபர் மட்டுமே படிக்க முடியும்.

2. டூ-ஃபேக்டர் ஆதெண்டிகேஷன்

   கூடுதல் பாதுகாப்புக்கு, டிஜிலாக்கரில் டூ-ஸ்டெப் வெரிஃபிகேஷன் சிஸ்டம் உள்ளது. இதில் பாஸ்வேர்ட் மற்றும் மொபைல் நம்பருக்கு வரும் ஓடிபி ஆகிய இரண்டையும் பயன்படுத்தி பயனர்கள் தன்னை உறுதிப்படுத்திக் கொள்ள வேண்டும்.

3. பிரைவசி செட்டிங்ஸ்

   பயனர்கள் தங்களுக்கு ஏற்றவாறு தங்களது ஆவணங்களின் பிரைவசியை கஸ்டமைஸ் செய்து கொள்ளலாம். எந்த நபர் அல்லது குழு தங்கள் ஆவணங்களை பார்க்கவும், அணுகவும், ஷேர் செய்யவும் அனுமதிக்கலாம் என்பதை அவர்களே தீர்மானிக்கலாம்.

4. பாதுகாப்பான டேட்டா சென்டர்கள்

   பயனர்களின் ஆவணங்கள் நவீன பாதுகாப்பு நெறிமுறைகள் கொண்ட பாதுகாப்பான டேட்டா சென்டர்களில் பாதுகாப்பாகச் சேமிக்கப்படுகின்றன. இது டேட்டாவின் பாதுகாப்பையும், அதன் உண்மைத்தன்மையையும் உறுதி செய்கிறது.

5. வழக்கமான செக்யூரிட்டி ஆடிட்ஸ்

   டிஜிலாக்கரின் பாதுகாப்பு அமைப்பில் உள்ள குறைகளைக் கண்டறிந்து அதை மேலும் வலுப்படுத்த வழக்கமான செக்யூரிட்டி ஆடிட்ஸ் மேற்கொள்ளப்படுகின்றன. இத்தகைய முன்னெச்சரிக்கையான பாதுகாப்பு நடவடிக்கைகள், பயனர்கள் தங்களது தனிப்பட்ட சான்றிதழ்களையும், தகவல்களையும் டிஜிலாக்கரில் சேமிக்கும்போது முழுமையான பாதுகாப்பையும், மனநிறைவையும் அளிக்கின்றன.

டிஜிலாக்கரை திறம்பட பயன்படுத்துவதற்கான வழிகள்

டிஜிலாக்கர் அனுபவத்தை சிறந்த முறையில் பயன்படுத்த சில பயனுள்ள வழிகள் பற்றி விரிவாக தெரிந்து கொள்வோம்:

ஆவணங்களை அப்டேட் மற்றும் பேக் கப் செய்யவும்

சமீபத்திய மற்றும் உண்மையான சான்றிதழ்களைப் பெற, டிஜிலாக்கரில் உங்களது ஆவணங்களைத் தொடர்ந்து புதுப்பித்து வர வேண்டும். மேலும், எதிர்பாராத தொழில்நுட்பச் சிக்கல்கள் ஏற்பட்டால் ஆவணங்களை இழக்காமல் இருக்க, பேக் கப் காப்பியை வைத்துக்கொள்வது நல்லது.

அம்சங்களை தெரிந்து கொள்ளுங்கள்

டிஜிலாக்கரில் உள்ள பல்வேறு வசதிகளையும், செயல்பாடுகளையும் பற்றி தெரிந்து கொள்ள சிறிது நேரம் ஒதுக்குங்கள். இது உங்களது ஆவணங்களை எளிதாக ஒழுங்குபடுத்தவும், பயன்படுத்தவும் உதவும்.

ஆவணங்களை ஒழுங்குபடுத்துங்கள்

டிஜிலாக்கரில் உங்களது பைல்களை ஃபோல்டர்கள் அல்லது டேக்குகள் மூலமாகவோ வகைப்படுத்தி வைக்கவும். இது தேவைப்படும் நேரத்தில் ஆவணங்களைச் சிரமமின்றித் தேடி எடுக்க உதவும்.

பிரைவசி செட்டிங்ஸை அமைக்கவும்

ஆவணங்களின் பிரைவசி செட்டிங்ஸ் டிஜிலாக்கர் மூலம் கட்டுப்படுத்தப்படுகிறது. உங்களது ஆவணங்களை யார் பார்க்க வேண்டும் என்பதை இதன் மூலம் பாதுகாப்பாக நிர்வகிக்கலாம்.

ஆவணங்கள் காலாவதியாகும் தேதியை கவனியுங்கள்

லைசென்ஸ்கள் மற்றும் சான்றிதழ்கள் போன்ற சில ஆவணங்கள் குறுகிய காலத்திற்கு மட்டுமே செல்லுபடியாகும். இத்தகைய ஆவணங்களின் காலாவதித் தேதிகளைக் குறித்து வைத்துக்கொண்டு, அவசியமானவற்றை முன்கூட்டியே புதுப்பித்துக் கொள்ளவும்.

இந்த எளிய வழிமுறைகளைப் பின்பற்றுவதன் மூலம், உங்களது முக்கிய ஆவணங்கள் அனைத்தையும் ஒரே இடத்தில் பாதுகாப்பாகச் சேமித்து, தேவைப்படும்போது டிஜிலாக்கர் மூலம் மிக எளிதாகப் பகிர முடியும்.

முடிவுரை

டிஜிலாக்கர் என்பது டிஜிட்டல் உலகில் முக்கியமான ஆவணங்களை சேமிக்கவும், பார்க்கவும் மற்றும் பகிரவும் உதவும் ஒரு பிளாட்ஃபார்ம் ஆகும். இது காகித வடிவ ஆவணங்களின் பயன்பாட்டைக் குறைத்து காகிதமில்லா தீர்வை வழங்குகிறது.