மூவிங் அவரேஜ்களை பயன்படுத்தி பங்குகளை வாங்குவது எப்படி

மூவிங் ஆவரேஜ் என்றால் என்ன?

புள்ளியியலில், மூவிங் ஆவரேஜ் என்பது ஒரு குறிப்பிட்ட தரவுத் தொகுப்பை (டேட்டா செட்) சிறு சிறு பிரிவுகளாகப் பிரித்து, தேவையற்ற விலை ஏற்ற-இறக்கங்களை நீக்கி, பொதுவான போக்கைக் கண்டறிய உதவுகிறது. ஸ்டாக் மார்க்கெட் மொழியில் சொல்ல வேண்டுமென்றால், இது ஒரு குறிப்பிட்ட காலக்கட்டத்தில் இருந்த க்ளோசிங் விலைகளின் (க்ளோஸிங் ப்ரைசஸ்) சராசரியாகும். இந்தச் சராசரி மூலம் டெய்லி விலை மாற்றங்களின் சத்தத்தைக் குறைத்து, தெளிவாகப் புரிந்து கொள்ள முடியும். 10-டே மூவிங் ஆவரேஜஸ் அல்லது 7-டே மூவிங் ஆவரேஜஸ் போன்ற குறுகிய கால மூவிங் ஆவரேஜ்களும், 200-நாள் மூவிங் ஆவரேஜ் போன்ற நீண்ட கால மூவிங் ஆவரேஜ்களும் உள்ளன. உதாரணமாக, 200-டே மூவிங் ஆவரேஜஸ் என்பது கடந்த 200 டிரேடிங் நாட்களின் க்ளோசிங் விலைகளின் சராசரியாகும். இவை விலையின் போக்கைக் காட்டவும், சப்போர்ட் மற்றும் ரெசிஸ்டன்ஸ் இடங்களைக் கண்டறியவும் மிகவும் பயனுள்ளதாக இருக்கும்.

தினசரி விலை ஏற்ற-இறக்கங்களின் தாக்கத்தை நீக்குகிறது

மூவிங் ஆவரேஜ்கள், பங்குச் சார்ட்டில் (சார்ட்) டெய்லி நடக்கும் விலை குழப்பங்களை நீக்குகின்றன. சார்ட்டில் இது ஒரு ட்ரெண்ட் லைன் போலத் தோன்றி, டிரேடர்களுக்கு விலையின் போக்கை உடனே காட்டுகிறது. விலையின் திசை மேல்நோக்கி இருந்தால், விலைகள் உயர வாய்ப்புள்ளது; அதுவே கடுமையான ஏற்றமாக இருந்தால், விலைகள் உச்சத்தை எட்டியிருக்கலாம். அதுவே கீழ்நோக்கிய போக்கு என்றால் விலைகள் குறைகின்றன என்று அர்த்தம். ஆனால், திடீரெனக் கீழே இறங்கினால் விலைகள் மிகக் குறைந்த நிலையை எட்டியிருக்கலாம். பக்கவாட்டில் செல்லும் ட்ரெண்ட் லைன், விலை ஒரு குறிப்பிட்ட எல்லைக்குள் (ரேன்ஜ்-பவுண்ட்) நகர்வதைக் காட்டுகிறது. பொதுவாக, நிகழ்நேர விலைகள் மூவிங் ஆவரேஜுக்கு மேலே இருந்தால் அது அப்-ட்ரெண்டையும், கீழே இருந்தால் டவுன்-ட்ரெண்டையும் காட்டும். வெவ்வேறு கால அளவுகளைக் கொண்ட இரண்டு மூவிங் ஆவரேஜ்கள் ஒன்றையொன்று எதிர் திசையில் வெட்டிச் செல்லலாம், அதைப் பற்றிப் பின்னர் பார்ப்போம்.

பங்குகளை வாங்க மூவிங் ஆவரேஜைப் பயன்படுத்துவது எப்படி: சப்போர்ட் அல்லது ரெசிஸ்டன்ஸ் லெவல்

50-நாள் அல்லது 200-நாள் போன்ற நடுத்தர முதல் நீண்ட கால மூவிங் ஆவரேஜ்கள் மிகவும் பிரபலமான மற்றும் நம்பகமான சப்போர்ட் மற்றும் ரெசிஸ்டன்ஸ் லெவலாகச் செயல்படுகின்றன. மூவிங் ஆவரேஜில் உள்ள இந்தப் புள்ளிகளைத் தாண்டுவது சற்று கடினம். இதனால், விலைகள் சப்போர்ட் அல்லது ரெசிஸ்டன்ஸ் லெவலைத் தொடும்போது பங்குகளை வாங்குவதோ விற்பதோ எளிதாகிறது. ட்ரெண்டிங் மார்க்கெட்டில், விலைகள் ஒரு குறிப்பிட்ட எல்லைக்குள் நகரும். அவை பொதுவாக மூவிங் ஆவரேஜில் உள்ள சப்போர்ட் லெவலில் பவுன்ஸ் ஆகும் அல்லது ரெசிஸ்டன்ஸ் லெவலைத் தொட்டுத் திரும்பும். வாங்குபவர்கள் அல்லது விற்பவர்கள் போதுமான அளவு உள்ளே வந்தால் மட்டுமே இந்த லெவல்கள் உடைக்கப்படும். இது ஓரளவுக்குச் சரியான ஹோல்டிங் பீரியடைத் தரும்.

மூவிங் ஆவரேஜ் கிராஸ்ஓவர் டிரேடிங் வியூகங்கள்

பிஎஸ்இ சென்செக்ஸின் (பி.எஸ்.இ சென்செக்ஸ்) 50-நாள் மூவிங் ஆவரேஜ் (ஊதா நிறம்) அதன் 200-நாள் மூவிங் ஆவரேஜை (மஞ்சள் நிறம்) கடந்து செல்கிறது. பிரபலமான டிரேடிங் முறைகளில் ஒன்றில், டிரேடர்கள் 50 நாட்கள் போன்ற குறுகிய கால மற்றும் 200 நாட்கள் போன்ற நீண்ட கால மூவிங் ஆவரேஜ்களைப் பயன்படுத்திப் பங்குகளின் மும்முரமான போக்கை (புல்லிஷ்னெஸ்) சோதிக்கின்றனர். மேலே உள்ள பிஎஸ்இ சென்செக்ஸ் விலை சார்ட்டில் நீங்கள் பார்ப்பது போல், ஒரு பங்கின் 50-டே எம்ஏ ஆனது 200-நாள் எம்ஏ-ஐ விட மேலே சென்றால், அது கோல்டன் கிராஸ் என்று அழைக்கப்படுகிறது. இது மார்க்கெட் சென்டிமென்ட் பாசிட்டிவாக மாறுவதைக் காட்டுகிறது. இங்கு, பங்குகள் நீண்ட கால மூவிங் ஆவரேஜில் சப்போர்ட் லெவலைத் தொடுவதையும், விலைகள் குறைந்துவிட்டதைக் குறிப்பதையும் நீங்கள் காணலாம்.

உதாரணம்: சிம்பிள் மூவிங் ஆவரேஜ் என்றால் என்ன?

சிம்பிள் மூவிங் ஆவரேஜ் என்பது ஒரு அனலிட்டிக் டூல் ஆகும். சிம்பிள் மூவிங் ஆவரேஜ் என்பது கடந்த காலத் தரவுகளை ஒற்றை எண்ணாக மாற்றி, குறுகிய கால ஏற்ற இறக்கங்களை மறைத்து, புதிய போக்கை டிரேடர்களுக்குக் காட்டுவதை நோக்கமாகக் கொண்டுள்ளது. வேறு வார்த்தைகளில் கூறுவதானால், சிம்பிள் மூவிங் ஆவரேஜ் தேவையற்ற சத்தங்களை நீக்கி தெளிவான சிக்னலைத் தர உதவுகிறது. கீழே, டிரேடிங்கில் எஸ்.எம்.ஏ என்றால் என்ன என்பதைப் பார்ப்போம். பங்கு விலையில் நடக்கும் நிமிடத்திற்கு நிமிட மாற்றத்தைக் கண்காணிப்பது எல்லா டிரேடர்களுக்கும் பயனுள்ளதாக இருக்காது. எனவே, டிரேடர்கள் அதிகப்படியான தரவுகளை ஒரே புள்ளியாக மாற்ற சிம்பிள் மூவிங் ஆவரேஜைப் பயன்படுத்துகின்றனர். சிம்பிள் மூவிங் ஆவரேஜ் டெபினிஷனைப் பார்த்து இது எப்படிச் செய்யப்படுகிறது என்பதைப் புரிந்துகொள்வோம். சராசரி என்ற வார்த்தை பலருக்கும் பரிச்சயமானதே. பத்து எண்களின் சராசரியைக் கண்டுபிடிக்க, அந்தப் பத்து எண்களையும் கூட்டி பத்தால் வகுப்போம். அதுவே நமக்குச் சராசரியைத் தரும். மார்ச் 1 முதல் மார்ச் 10, 2020 வரை ஸ்டாக் மார்க்கெட்டுக்கு ஏற்ற இறக்கமான 10 நாட்களாக இருந்தது. இந்த ஏற்ற இறக்கங்களைக் குறைக்க, நீங்கள் 10 நாட்களின் க்ளோசிங் விலைகளைக் கூட்டி 10 ஆல் வகுக்கலாம். ஆனால் இதைவிடச் சிறப்பாகச் சத்தத்தைக் குறைக்க, மூவிங் ஆவரேஜைப் பயன்படுத்தலாம். மூவிங் ஆவரேஜைக் கணக்கிட, மார்ச் 2 முதல் மார்ச் 11 வரை, மார்ச் 3 முதல் மார்ச் 12 வரை என க்ளோசிங் விலைகளின் சராசரியைக் கண்டறியவும். இந்த சராசரிப் புள்ளிகளை இணைக்கும் கிராப் லைனே மூவிங் ஆவரேஜ் எனப்படும். சிம்பிள் மூவிங் ஆவரேஜ் என்பது வரம்பில் உள்ள அனைத்து யூனிட்டுகளுக்கும் சமமான முக்கியத்துவம் கொடுக்கும் ஒரு மூவிங் ஆவரேஜ் ஆகும்.

எக்ஸ்போனென்ஷியல் மூவிங் ஆவரேஜுடன் ஒப்பிடும்போது சிம்பிள் மூவிங் ஆவரேஜை இன்னும் தெளிவாகப் புரிந்துகொள்ளலாம். கட்டுரையின் கடைசிப் பகுதியில் இதன் வித்தியாசத்தைப் பார்ப்போம்.

சிம்பிள் மூவிங் ஆவரேஜை எவ்வாறு கணக்கிடுவது?

சிம்பிள் மூவிங் ஆவரேஜைக் கணக்கிட, ஒரு வரம்பைத் தேர்ந்தெடுக்க வேண்டும். 10 டே எஸ்,எம்.ஏ மற்றும் 50 டே எஸ்.எம்.ஏ ஆகியவை டிரேடர்களால் மிகவும் வழக்கமாக பயன்படுத்தப்படுகின்றன. டிரேடர் ஒரு வரம்பைத் தேர்ந்தெடுத்ததும், எந்தக் காலக்கட்டத்திற்கான சிம்பிள் மூவிங் ஆவரேஜ் வேண்டும் என்பதைத் தேர்ந்தெடுக்க வேண்டும். காலக்கட்டத்தைத் தேர்ந்தெடுத்த பிறகு, தேர்ந்தெடுக்கப்பட்ட வரம்பிற்குள் உள்ள மூவிங் ஆவரேஜ்களைக் கணக்கிட்டு, கிராஃபில் குறிக்க வேண்டும். வரம்பு 10 நாட்களாக இருந்தால், மேலே உள்ள நமது உதாரணம் போல, டிரேடர் 10-நாள் பிளாக்குகளின் மூவிங் ஆவரேஜைக் கண்டுபிடிக்க வேண்டும். கிராஃபில் மூவிங் ஆவரேஜ்கள் குறிக்கப்பட்டதும், புள்ளிகளை இணைக்க ஒரு எளிய கோட்டை வரையலாம். அந்தக் கோடுதான் சிம்பிள் மூவிங் ஆவரேஜ். இந்தக் கோட்டின் திசையும் வேகமும் டிரேடரின் இன்வெஸ்டிங் தேர்வுகளுக்கு உதவக்கூடிய தகவல்களைத் தரும்.

குறுகிய கால எஸ்.எம்.ஏ vs நீண்ட கால எஸ்.எம்.ஏ

200 நாள் சிம்பிள் மூவிங் ஆவரேஜ் நீண்ட கால எஸ்.எம்.ஏ என்றும், 50 நாள் மூவிங் ஆவரேஜ் குறுகிய கால எஸ்.எம்.ஏ என்றும் அழைக்கப்படும். குறுகிய கால எஸ்.எம்.ஏ மற்றும் நீண்ட கால எஸ்.எம்.ஏ-களுக்கு இடையேயான உறவு புதிய போக்குகளையும் வெளிப்படுத்தலாம். உதாரணமாக, குறுகிய கால எஸ்.எம்.ஏ நீண்ட கால எஸ்.எம்.ஏ-க்கு கீழே குறைந்தால், அது வரவிருக்கும் கரடி சந்தையின் (பியர் ரன்) அறிகுறியாக இருக்கலாம். மார்க்கெட் மொழியில் இது டெத் கிராஸ் என்று அழைக்கப்படுகிறது. இதற்கு மாறாக நடந்தால் - அதாவது, குறுகிய கால எஸ்.எம்.ஏ நீண்ட கால எஸ்.எம்.ஏ-ஐத் தாண்டி மேலே சென்றால் - அது வரவிருக்கும் காளை சந்தையின் (புல் ரன்) அறிகுறியாக இருக்கலாம். மார்க்கெட் மொழியில் இது கோல்டன் கிராஸ் என்று அழைக்கப்படுகிறது. பங்கு விலைகள் அருகில் உயரக்கூடும் என்பதைக் காட்டுவதால், கோல்டன் கிராஸ் காட்டும் பங்குகளை டிரேடர்கள் பெரும்பாலும் வாங்க விரும்புகிறார்கள்.

எஸ்.எம்.ஏ-க்கான மாற்றங்கள்

வெயிட்வெட் மூவிங் ஆவரேஜ்கள் என்பவை சிம்பிள் மூவிங் ஆவரேஜின் ஒரு வகையாகும். சிம்பிள் மூவிங் ஆவரேஜில் ஒரு குறைபாடு உள்ளது, அதாவது அது வரம்பில் உள்ள ஒவ்வொரு யூனிட்டுக்கும் சமமான மதிப்பைக் கொடுக்கிறது. அதாவது, 200 டே எஸ்.எம்.ஏ-ல், 200 நாட்களுக்கு முந்தைய பங்கு விலைகளுக்கும் நேற்றைய பங்கு விலைகளுக்கும் ஒரே மாதிரியான வெயிட் கொடுக்கப்படும். இதைப் பார்க்கும் சில டிரேடர்கள், மாதங்களுக்கு முந்தைய விலைகளைக் காட்டிலும் சமீபத்திய பங்கு விலைகளுக்கு அதிக முக்கியத்துவம் கொடுக்க வேண்டும் என்று சரியாக வாதிடுகின்றனர். இந்தத் டிரேடர்கள் வெயிட்வெட் மூவிங் ஆவரேஜ்களைப் பயன்படுத்த விரும்புகிறார்கள், இது வரம்பில் உள்ள சமீபத்திய மதிப்புகளுக்கு அதிக வெயிட் கொடுக்கிறது. எக்ஸ்போனென்ஷியல் மூவிங் ஆவரேஜ்கள், வெயிட்வெட் மூவிங் ஆவரேஜ்களுக்கு ஒரு உதாரணமாகும். இ.எம்.ஏ-க்கள் கணக்கீட்டு தேதிக்கு நெருக்கமாக வர வர பங்கு விலைகளுக்கு மிக அதிக வெயிட் கொடுக்கின்றன.

முடிவுரை:

மூவிங் ஆவரேஜ்கள் லேக் எஃபெக்ட் கொண்டவை என்று அடிக்கடி விமர்சிக்கப்படுகின்றன. அதாவது, அவை கடந்த கால விலைகளின் அடிப்படையில் ஒரு போக்கைக் காட்டுகின்றன. ஆனால் அவை டெய்லி விலை மாற்றங்களை மென்மையாக்குதல், வலுவான மற்றும் நம்பகமான சப்போர்ட் மற்றும் ரெசிஸ்டன்ஸ் லெவல்களை வழங்குதல் போன்ற சில முக்கிய நோக்கங்களுக்குப் பயன்படுகின்றன. மூவிங் ஆவரேஜை எவ்வாறு பயன்படுத்துவது என்பதைப் புரிந்துகொள்வது டிரேடர்கள் பங்குகளை வாங்க அல்லது ஷார்ட் பொசிஷன் எடுக்க மிகவும் பயனுள்ளதாக இருக்கும்.