நிறுவனங்கள் தங்கள் பிசினஸை விரிவாக்கம் செய்ய, அன்றாட பணிகளை கவனிக்க, நிறுவனங்களை இணைக்க அல்லது வேறு சில தேவைகளுக்காக கடன் வாங்க வேண்டியிருக்கும். டிபென்ச்சர்கள் மற்றும் பாண்டுகள் என்பவை பொதுமக்களிடமிருந்து நிறுவனங்கள் நிதி திரட்ட உதவும் இரண்டு வழிகளாகும். இந்தக் கட்டுரையில், டிபென்ச்சர்கள் மற்றும் அதன் வகைகளைப் பற்றி தெரிந்து கொள்வோம்.

டிபென்ச்சர்கள் என்றால் என்ன?

எந்தவொரு பிணையமும் (கோலாட்டரல்) இல்லாமல் வழங்கப்படும் நீண்ட கால கடன் முதலீட்டு கருவி டிபென்ச்சர்கள் எனப்படும். எளிமையாகச் சொன்னால், டிபென்ச்சர்கள் என்பவை பாதுகாப்பற்ற கடன் பத்திரங்களாகும். எனினும், பாண்டுகளைப் போலவே டிபென்ச்சர்களும் பரவலாகப் பயன்படுத்தப்படும் கடன் கருவிகளாகும். ஒரு கம்பெனி தன் விரிவாக்கத்திற்கோ அல்லது அன்றாட பணிகளுக்கோ பணம் தேவைப்படும் போது, பொதுமக்களுக்கு வட்டியுடன் டிபென்ச்சர்களை வழங்குவதன் மூலம் நிதி திரட்டலாம். டிபென்ச்சர்களைப் பற்றி மேலும் தெரிந்து கொள்ள இங்கே கிளிக் செய்யவும். இந்த டிபென்ச்சர்கள் மீட்புத் தன்மை, மாற்றுத் தன்மை மற்றும் கைமாற்றும் தன்மை ஆகியவற்றின் அடிப்படையில் வகைப்படுத்தப்படுகின்றன. கன்வெர்ட்டிபிள், நான்-கன்வெர்ட்டிபிள், பதிவு செய்யப்பட்ட, பதிவு செய்யப்படாத, மீட்கக்கூடிய மற்றும் மீட்க முடியாத டிபென்ச்சர்கள் கம்பெனிகளால் பொதுவாகப் பயன்படுத்தப்படுகின்றன. மாற்றும் தன்மையின் அடிப்படையிலான கன்வெர்ட்டிபிள் மற்றும் நான்-கன்வெர்ட்டிபிள் டிபென்ச்சர்களைப் பற்றி இந்தக் கட்டுரையில் விரிவாகப் பார்ப்போம்.

கன்வெர்ட்டிபிள் டிபென்ச்சர்கள் என்றால் என்ன?

ஒரு கம்பெனியால் வட்டிக்கு வழங்கப்படும் நீண்ட கால டிபென்ச்சர், குறிப்பிட்ட காலத்திற்குப் பிறகு பங்குகளாக மாற்றப்படலாம் என்றால் அது கன்வெர்ட்டிபிள் டிபென்ச்சர் எனப்படும். இவை முன்னரே தீர்மானிக்கப்பட்ட இடைவெளியில் பங்குகளாக மாற்றப்படலாம் என்பது இதன் சிறப்பம்சமாகும். பாதுகாப்பற்ற கடனில் இன்வெஸ்டிங் செய்யும் போது ஏற்படும் ரிஸ்க்கைக் குறைக்க இது டிபென்ச்சர் ஹோல்டர்களுக்கு உதவுகிறது.

நான்-கன்வெர்ட்டிபிள் டிபென்ச்சர்கள் என்றால் என்ன?

நான்-கன்வெர்ட்டிபிள் டிபென்ச்சர்கள் என்பவை நிலையான வருமானம் தரும் கருவிகள். கன்வெர்ட்டிபிள் டிபென்ச்சர்களைப் போல இவற்றை பங்குகளாக மாற்ற முடியாது. இவற்றுக்கு உறுதியான மெச்சூரிட்டி டேட் உண்டு, மேலும் உங்கள் விருப்பத்திற்கு ஏற்ப மாதந்தோறும், காலாண்டுக்கு ஒருமுறை அல்லது ஆண்டுதோறும் வட்டி பெறலாம். கன்வெர்ட்டிபிள் டிபென்ச்சர்களை ஒப்பிடும்போது இவை அதிக வட்டி, குறைந்த ரிஸ்க், மார்க்கெட் லிக்யூடிட்டி மற்றும் டேக்ஸ் அட்வான்டேஜ் ஆகியவற்றை இன்வெஸ்டர்களுக்கு வழங்குகின்றன.

கன்வெர்ட்டிபிள் மற்றும் நான்-கன்வெர்ட்டிபிள் டிபென்ச்சர்கள் ஒப்பீடு

கன்வெர்ட்டிபிள் மற்றும் நான்-கன்வெர்ட்டிபிள் டிபென்ச்சர்களுக்கு இடையேயான வேறுபாடுகளைப் பார்ப்போம்.

கன்வெர்ட்டிபிள் டிபென்ச்சர்கள்	நான்-கன்வெர்ட்டிபிள் டிபென்ச்சர்கள்
பொருள்
கம்பெனியின் பங்குகளாக மாற்றக்கூடிய டிபென்ச்சர்கள் கன்வெர்ட்டிபிள் டிபென்ச்சர்கள் எனப்படும்.	பங்குகளாக மாற்ற முடியாத டிபென்ச்சர்கள் நான்-கன்வெர்ட்டிபிள் டிபென்ச்சர்கள் எனப்படும்.
வகைகள்
கன்வெர்ட்டிபிள் டிபென்ச்சர்களின் வகைகள்: ஏ. பார்ஷலி கன்வெர்ட்டிபிள் டிபென்ச்சர்கள் - இதன் சில பகுதி மட்டும் பங்குகளாக மாற்றப்படலாம். பி. ஃபுல்லி கன்வெர்ட்டிபிள் டிபென்ச்சர்கள் - இந்த டிபென்ச்சர்கள் முழுவதுமாக பங்குகளாக மாற்றப்படலாம்.	நான்-கன்வெர்ட்டிபிள் டிபென்ச்சர்களின் (என்.சி.டி-கள்) வகைகள்:  செக்யூர்டு என்.சி.டி-கள் - கம்பெனி சொத்துகளின் பாதுகாப்போடு வழங்கப்படுபவை. அதாவது, கம்பெனி செலுத்தத் தவறினால், சொத்துகளை விற்று இன்வெஸ்டர்கள் தங்கள் பணத்தை மீட்டுக்கொள்ளலாம். அன்செக்யூர்டு என்.சி.டி-கள் - இவை எந்தப் பிணையமும் இல்லாமல் வழங்கப்படுபவை. கம்பெனி பணம் செலுத்தத் தவறினால், இன்வெஸ்டர்கள் காத்திருப்பதைத் தவிர வேறு வழியில்லை.
வட்டி
இவை ஈக்விட்டி ஷேர்களாக மாற்றப்படலாம் என்பதால் வட்டி விகிதம் குறைவாக இருக்கும்.	கன்வெர்ட்டிபிள் டிபென்ச்சர்களை விட வட்டி விகிதம் அதிகமாக இருக்கும்.
மெச்சூரிட்டி மதிப்பு
இதன் மெச்சூரிட்டி மதிப்பு அந்த நேரத்தில் கம்பெனி ஷேர்களின் விலையைப் பொறுத்தது.	இந்த டிபென்ச்சர்களின் மெச்சூரிட்டி மதிப்பு முன்கூட்டியே தீர்மானிக்கப்பட்டு மாறாமல் இருக்கும்.
மார்க்கெட் நிலவரம்
மார்க்கெட் மோசமாக இருக்கும் போது, டிபென்ச்சர் ஹோல்டர் அவற்றை பங்குகளாக மாற்றிக்கொள்ளலாம்.	மார்க்கெட் சாதகமாக இல்லாவிட்டாலும், டிபென்ச்சர் ஹோல்டர்களால் பங்குகளாக மாற்ற முடியாது, மெச்சூரிட்டி வரை வைத்திருக்க வேண்டும்.
நிலை
இவை கடன் வழங்குபவர் மற்றும் ஷேர்ஹோல்டர் என்ற இரண்டு நிலைகளையும் கொண்டுள்ளன.	இவை கடன் வழங்குபவர் என்ற ஒரே நிலையை மட்டுமே கொண்டுள்ளன.
உள்ளடங்கிய ரிஸ்க்
இவற்றை பங்குகளாக மாற்றலாம் என்பதால் ரிஸ்க் குறைவு.	கன்வெர்ட்டிபிள் டிபென்ச்சர்களை விட இதில் ரிஸ்க் அதிகம்.

முடிவுரை

சுருக்கமாகச் சொன்னால், டிபென்ச்சர்கள் என்பவை எந்தப் பிணையமும் இல்லாத பாதுகாப்பற்ற கடன் கருவிகளாகும். மாற்றுத் தன்மை, மீட்புத் தன்மை மற்றும் கைமாற்றும் தன்மை ஆகியவற்றின் அடிப்படையில் இவற்றை வகைப்படுத்தலாம். இந்தக் கட்டுரையில் கன்வெர்ட்டிபிள் மற்றும் நான்-கன்வெர்ட்டிபிள் டிபென்ச்சர்களைப் பற்றிப் பார்த்தோம். டிபென்ச்சர்களைப் பற்றியும் அவற்றுக்கிடையேயான வித்தியாசங்களையும் நீங்கள் இப்போது தெரிந்து கொண்டதால், டிபென்ச்சர்கள், பாண்டுகள் மற்றும் பிற முதலீட்டு விருப்பங்களில் எவ்வளவு இன்வெஸ்ட் செய்வது என்பதை எளிதாக முடிவு செய்யலாம்.

இன்றைய பங்குச் சந்தை விலைகளைத் தெரிந்து கொள்ளுங்கள்

டாடா ஸ்டீல் ஷேர் பிரைஸ்	அதானி பவர் ஷேர் பிரைஸ்
பிஎன்பி ஷேர் பிரைஸ்	சொமேட்டோ ஷேர் பிரைஸ்
பெல் ஷேர் பிரைஸ்	பெல் ஷேர் பிரைஸ்
இன்ஃபோசிஸ் ஷேர் பிரைஸ்	ஐடிசி ஷேர் பிரைஸ்
ஜியோ ஃபைனான்ஸ் ஷேர் பிரைஸ்	எல்ஐசி ஷேர் பிரைஸ்

ஆன்லைன் ஷேர் டிரேடிங் என்பது இந்தியர்கள் பங்குச் சந்தையில் இன்வெஸ்ட் செய்யும் முறையை மாற்றி அமைத்துள்ளது. உங்கள் ஸ்மார்ட்போன் அல்லது லேப்டாப் மூலமாக எங்கு வேண்டுமானாலும், எப்போது வேண்டுமானாலும் ஷேர்களை வாங்கலாம் மற்றும் விற்கலாம் — பேப்பர்வொர்க் அல்லது புரோக்கர் அலுவலகத்திற்குச் செல்லத் தேவையில்லை.

ஏஞ்சல் ஒன்-இன் ஆன்லைன் டிரேடிங் பிளாட்பார்ம் மூலம் என்.எஸ்.இ, பி.எஸ்.இ, எம்.சி.எக்ஸ் மற்றும் என்.சி.டி.இ.எக்ஸ், அட்வான்ஸ்டு சார்ட்டிங் டூல்கள், நிகழ்நேர விலை நிலவரங்கள் மற்றும் ஏ.ஆர்.க்யூ பிரைம் ஏஐ பரிந்துரைகளை உடனுக்குடன் பெறலாம்.

நீங்கள் நீண்ட காலத்திற்கு இன்வெஸ்ட் செய்ய விரும்பினாலும் அல்லது ஆக்டிவாக டிரேடிங் செய்ய விரும்பினாலும், ஆன்லைன் ஷேர் டிரேடிங் மார்க்கெட்டின் சக்தியை உங்கள் கைகளில் தருகிறது.